ॐ तत्सद्ब्रह्मणे नमः ।

बह्वृचब्राह्मणान्तर्गतं

ऐतरेयारण्यकम् ।

श्रीमत्सायणाचार्यविरचितभाष्यसमेतम् ।

[ प्रथमारण्यके प्रथमोऽध्यायः ] ( तत्र प्रथमः खण्डः )

अथ शान्तिः ।
हरिः ॐ ।

भूमिमुपस्पृशेदग्न इळा नम इळा नम ऋषिभ्यो मन्त्रकृद्भ्यो मन्त्रपतिभ्यो नमो वो अस्तु देवेभ्यः शिवा नः शंतमा भव सुमृळीका सरस्वति मा ते व्योम संदृशि ॥
भ॒द्रं कर्णे॑भिः शृणुयाम देवा भ॒द्रं प॑श्येमाक्षभिर्यजत्राः ।
स्थि॒रैरङ्गै॑स्तुष्टु॒वांस॑स्त॒नूभि॒र्व्यशे॑म दे॒वहि॑तं॒ यदायूंः ॥ शं नं॑ इन्द्रा॑ग्नी भ॑वतामवो॑भिः शं न॒ इन्द्रा॒वरु॑णा रातह॑व्या । शमि॑न्द्रा॒सोमा॑ सु॒विताय॒ शं योः शं न॒ इन्द्रा॑पू॒षणा॒ वाज॑सातौ ॥
स्तु॒षे जनं॑ सु॒व्रतं नव्य॑सीभिर्गी॒र्भिर्मि॒त्रावरु॑णा सु॒म्नयन्ता॑ ।
त आर्ग॑मन्तु॒ त इ॒ह श्रु॑वन्तु सु॒क्षत्रा॑सो॒ वरु॑णो मि॒त्रो अ॒ग्निः ॥
कया॑ नश्चि॒त्र आभु॑वदू॒ती स॒दावृ॑धः॒ सखा॑ । कया॒ शचि॑ष्ठया॑ वृ॒ता ॥ कस्त्वो॑ स॒त्यो मदा॑नां॒ मंहि॑ष्ठो मत्सदन्ध॑सः ।
दृ॒ळ्हाचि॑दा॒रुजे॒ वसु॑ ॥ अभी षु णः॒ सखी॑नामवि॒ता ज॑रि॒तृ-