अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

भाष्यप्रकाश-रश्मि-परिवृंहितम् । ६१९ प्रकरणात् ॥ ६ ॥ जीवजडसाधारणनिराकरणाय विशेषहेतुमाह । प्रकरणं हीदं ब्रह्मणः । ब्रह्मा देवानामित्यारभ्य, स ब्रह्मविद्यामिति, तेषामेवैतां ब्रह्मविद्यामित्यन्ते च ब्रह्मविद्याया एव प्रकरणित्वमवगम्यते । 'ब्रह्मैवेदममृतं पुरस्तात्' इत्यादिभिश्च स्पष्टं ब्रह्मवादः प्रतीयते ॥ ६ ॥ भाष्यप्रकाशः । प्रकरणात् ॥ ६ ॥ जीवेत्यादि । ननु यद्यपि मन्त्रगतो हेतुर्जीवव्यावर्तकस्तथाप्येकशब्दस्य मुख्यवाचित्वाङ्गीकारे द्वितीयसिद्धावेवकारस्यासंङ्कुचितान्ययोगव्यवच्छेदकतया उपगन्तुमशक्य- त्वात्, तमपि जानथ, ततोऽपि मुख्यमात्मानं जानथेत्येवं वचनव्यक्त्याऽस्य मन्त्रस्य जडजीवसाधा- रणता स्यात्तदभावाय तदाहेत्यर्थः । शेषं स्फुटम् ॥ ६ ॥ रश्मिः । सत्त्वात् श्रीभागवतवत्