बौधायन श्रौतसूत्रम् (कृष्ण यजुर्वेद तैत्तिरीय शाखा - सम्पूर्ण प्रश्न एवं श्रौत-याग कल्प सटीक)

पृदाकाविति चतस्रः स्रुवाहुतीर्हुत्वैवाङ्गुल्यैव सꣳस्रावैः प्रवर्तम- भिघारयति राडसि विराडसि सम्राडसि खराडसीत्यथैतं¹ प्रवर्तमग्रेणाहवनीयं पर्याहृत्य दक्षिणतो निदधाति ॥ ८ ॥ अथैतत्सौवर्णं पात्रं याचति । तस्मिꣳस्तिरः पवित्रं मध्वानीय सक्तूनोप्य पर्णमयौभ्याꣳ शलाकाभ्यामुपमन्थतीन्द्राय त्वा तेजस्वते तेजस्वन्तꣳ श्रीणामीति । तेजो ऽसीति ब्राह्म- णाय प्रयच्छति । तत्ते प्रयच्छामीति ब्राह्मणः प्रतिगृह्णात्यथ यजमानो मुखं विमृष्टे तेजस्वदस्तु मे मुखं तेजस्वच्छिरो अस्तु मे । तेजस्वान्त्विषितः प्रत्यङ् तेजसा संपिपृग्धि मेति । चिराचम्य प्रणह्यति । तस्मा एतच्चैव पात्रं ददाति शतमानं च हिरण्यमथैतद्राजतं पात्रं याचति । तस्मिꣳस्तिरः पवित्रꣳ सुरामानीय सक्तूनोप्य न्यग्रोधौभ्याꣳ शलाकाभ्यामुपमन्थती- न्द्राय त्वौजस्वत ओजस्वन्तꣳ श्रीणामीत्योजो ऽसीति राज- न्याय प्रयच्छति । तत्ते प्रयच्छामीति राजन्यः प्रतिगृह्णात्यथ यजमानो मुखं विमृष्ट ओजस्वदस्तु मे मुखमोजस्वच्छिरो अस्तु मे । ओजस्वान्त्विषितः प्रत्यङ्ङोजसा संपिपृग्धि मेति । चिराचम्य प्रणह्यति । तस्मा एतच्चैव पात्रं ददाति तिसृधन्वं चार्थैतत्काꣳस्यं पात्रं याचति । तस्मिꣳस्तिरः पवित्रं पय आनीय सक्तूनोप्याश्वत्थीभ्याꣳ शलाकाभ्यामुपमन्थतीन्द्राय त्वा पयस्वते पयस्वन्तꣳ श्रीणामीति । पयो ऽसीति वैश्याय

---

१ •थैनं all exc. M. २ •षेणाङ्घ्रि M.