बीजगणितम् (भास्कराचार्य द्वितीय - प्राचीन भारतीय समीकरण एवं बीजगणित सूत्र सटीक)

७८ बीजगणिते एवं मध्ये चतुर्भुजमुत्पन्नमथ कोटिभुजान्तरसमं भुजमानम् = ५ । अस्य फलम् = २५ । भुजकोटिग्धो द्विगुणस्त्र्यस्राणां चतुर्णां फलम् = ६०० । एतद्योगः सर्वं बृहत्क्षेत्रफलम् = ६२५ । एतद्यावत्तावद्वर्गसमं कृत्वा लब्धं कर्ण मानम् = २५ । यत्र व्यक्तस्य न पदं तत्र करणीगतः कर्णः । एतत्करणसूत्रे वृत्तम् । दो.कोट्यन्तरवर्गेण द्विघ्नो घातः समन्वितः । वर्गयोगसमः स स्याद्द्वयोरव्यक्तयोर्यथा ॥ १४ ॥ अतो लाघवार्थं (१)दोःकोटिवर्गयोगस्य पदं कर्ण इत्युपपन्नम्। तत्र तान्येव क्षेत्रस्य खण्डान्यन्यथा विन्यस्य दर्शनम् । (१) वि० रा०-दो कोट्यन्तरवर्गेण युतश्च द्विघ्नभुजकोटिघातस्तस्यैक्यस्य श्रुतिरिति ।