बृहत्संहिता (आचार्य वराहमिहिर - स्थापत्य, खगोल, मौसम व जल विज्ञान)

Adh. XXIV. Sl. 27-28.] चतुर्विंशोऽध्यायः 233 तथा च गर्गः । सौम्ये तु श्रावणं विन्द्यात्पूर्वे भाद्रपदं वदेत् । दक्षिणेऽश्वयुजो ज्ञेयः पश्चिमे कार्तिकं विदुः ॥ सर्वे कुम्भाः सुपूर्णाः स्युरभग्नाः कान्तिसंयुताः । चतुरो वार्षिकान् मासान् सर्वान् वर्षति वासवः ॥ सर्वस्रुतैरवृष्टिः स्यादर्द्धैर्मध्यमवर्षणम् । द्रवैस्तथाविधा वृष्टिर्वक्तव्या जलमानतः ॥ अन्यैश्च कुम्भैर्नृपनामचिह्नर्देशाङ्कितैश्चाप्यपरैस्तथैव । भग्नैः स्रुतैर्न्यूनजलैः सुपूर्णैर्भाग्यानि वाच्यानि यथानुरूपम् ॥२७॥ तथा च काश्यपः । अन्यदेशाङ्किताः कुम्भा भिद्यन्ते च स्रवन्ति च । बन्धहीना वितोयाश्च तेऽभियोज्या नृपेण वै ॥ दूरगो निकटगोऽथवा शशी दक्षिणे पथि यथातथा स्थितः । रोहिणीं यदि युनक्ति सर्वथा कष्टमेव जगतो विनिर्दिशेत् ॥२८॥ बृ. सं. 30