गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

चतुर्विंशः पटलः । ईश्वर उवाच एवं यः कुरुते पूजां नित्यं भक्तियुतो बुधः । कन्दर्पसदृशः स्त्रीषु गौरीपतिरिवापरः ॥ १ ॥ स एव सुकृती लोके स एव कुलभूषणम्१ । धन्या च जननी तस्य धन्यस्तस्य पिता खलु ॥ २॥ दैवी कला भवेत् तत्र मम तुल्यो महामतिः । अणिमाद्यष्टसिद्धीशो जायते नात्र संशयः ॥ ३ ॥ वह्निरिव रिपोर्हन्ता इन्दुरिव सुखप्रदः । पितृदेवसमः शास्ता शुचौ शुचिसमः खलु ॥ ४ ॥ बृहस्पतिसमो वक्ता धरणीसदृशः क्षमी । वक्त्रे सरस्वती तस्य लक्ष्मीस्तस्य सदा गृहे ॥ ५ ॥ तीर्थानि तस्य देहे वै नच तस्य पुनर्भवः । धनेन धननाथः स्यात् तेजसा भास्करोपमः ॥ ६ ॥ बलेन पवनो ह्येष दानेन वासवोपमः । गानेन तुम्बुरुः साक्षान्नित्यं येन समर्चिता ॥ ७ ॥ एकाहमपि देवेशि महात्रिपुरसुन्दरीम् । न पूजयेत्तथा(नस्यात्? तस्मात्) प्रायश्चित्तं समाचरेत् ॥ ८ ॥ उपोष्यैव चाधिवासं कृत्वा पूजां परेऽहनि । १ 'ण' ख पाठः ।