गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

(१)कुरु ॥ १ ॥ अध्वनि चतुष्पथान्प्रतिमन्त्रयेत नदीश्च विषमाणि च महावृक्षान्श्म- शानञ्च “माविदन्परिपन्थिन” इति ॥२॥ (मं० ब्रा० २।३।१२) वध्वा सह अध्वनि वर्त्तमानोनद्यादीनुपलब्धानधिमार्गम् “मा विदन्नि”ति मन्त्रेण प्रतिमन्त्रयेज्जपन्नवलोकयेदित्यर्थः । प्रतिमन्त्रणमनुमन्त्रणमालोकनमि- त्यनर्थान्तरमित्युक्तमधस्तात् (२।१।१४), तत्र नदीः- “धनुः सहस्राण्यष्टौ च गतिर्यासां न विद्यते । न ता नदीशब्दवहा गर्त्तास्ते परिकीर्त्तिताः ॥” इति कर्म्मप्रदीपोक्तलक्षणाः । विषमाणि व्याघ्रादिभयस्थानानि । उन्नता- नतानि वा । महावृक्षा अतिप्रसिद्धास्तरवो ग्रामादिसीमा(सामीप्य)ख्यापका- श्चैत्यापराख्याः । मन्त्रोयथा— “मा विदन्परिपन्थिनो य आसीदन्ति दम्प