कबीर मन्शूर (स्वसंवेदार्थ प्रकाश)

ज्ञानी देखा दृष्टि पसारी । यहि ते नहीं बचे संसारी ॥
ज्ञानी बोले शब्द परचाई । तुही काल खाये दुनियाई ॥

निरञ्जन बचन

साखी—जाव ज्ञानी घर आपने, मानो बचन हमार ।
तीन लोक मोहि पुरुष दिये, स्वर्ग पताल संसार ॥

ज्ञानी बचन

चौ०—ज्ञानी बोले शब्द अपारा । मोकहैं पुरुष दीन टकसारा ॥

साखी—हम पठये हैं पुरुष को, करें हंसको काज ।

काल मारि संधार हूँ, दीन सकल मोहि राज ॥

चौ०—मारूँ काल शब्दके झारा । टूटै दन्त कबीर पसारा ॥

निरञ्जन बचन

तबै निरञ्जन बोले बानी । कैसे हंस छोड़ाये ज्ञानी ॥

जगके माँहि कीन हम बासा । पशु पछी सबमें मम आसा ॥

तीनसो साठ पेट हम लाई । ताते सकल सृष्टि अरुझाई ॥

जेहि दिनते सो पेट लगाई । दिनदिन अरुझे सरुझि नहिं जाई ॥

तापर काम क्रोध हम डारा । तृष्णा सकल जीव हम मारा ॥

इनमें जीव बँधे सब झारी । कैसे हँसने लेहु उबारी ॥

ता ऊपर कीन्हचों यक काजा । पुण्य पाप हम थापै राजा ॥

शुभ अरु अशुभ दोइ दलसाजा । ऐसै अलख निरञ्जन राजा ॥

ज्ञानी बचन

सत्य शब्द हम बोलें बानी । बचन हमार छूटिहैं प्रानी ॥

गहे शब्द मम मन चित लाई । भजे काल जिव लेब बचाई ॥

काल बचन ।

तबै काल अस बोले बानी । सकल जीव बस हमरे ज्ञानी ॥

तीनसौ साठ क्षेत्र अरुझाई । कैसे जीव लेहो मुकताई ॥

गङ्गा यमुना सरस्वती जानी । पुष्कर गोदावरि छौछक्का मानी ॥

बदरी केदार द्वारिका ठयऊ । जहाँ तहाँ हम तीरथ लयऊ ॥

मथुरा नगर उत्तम जो जानी । जगरनाथ बैठे यमध्यानी ॥

सेतु बन्ध पुनि कीन्ह ठिकाना । पुष्कर क्षेत्र आहि यमथाना ॥

हिङ्गलाज जैसे जिव सोई । कालिका नगरकोटमें होई ॥

गढ़ गिरिनार दत्तको थाना । ताहि घेर यम बैठ निदाना ॥