कबीर सागर (11 भाग संपूर्ण)

( ९६ )

विवेकसागर

चौथो सुत संतोष पुनि, हरे सकल जग द्रन्द ॥ पञ्चम पुत्रसु है मुक्ति धाम सुख रूप ॥ छठौ पुत्र पुनि शील है, लक्षण सबै अनूप ॥ धर्म पुत्र भयो सातवों कुलमण्डन अतिधीर ॥ अष्टम सुत बैराग है, मेटै ताप शरीर ॥ विष्णुभक्ति कन्या भयी, लक्षण सब गम्भीर ॥ सुवन सबै निरवृत्तिके, करै मोह उर पीर ॥ ये रानी निवृत्ति के करै, आठ पुत्र अति शूर ॥ भक्ति सुता कुलपोषिनी, करै कुमतिको दूर ॥ अब इनके सुत त्रिय बधू, बरणि कहौं तिन नाम ॥ मुक्ति पंथ अनुकूल सब, पुनि सुख प्रति अभिराम ॥

विवेकपरिवार

रानी रायविवेक की, ब्रह्मसुविद्या नाम ॥ पुत्र ज्ञान आनन्द त्रिय, ता असंग सुखधाम ॥

विचारपरिवार

रानी राय विचार की, निश्चय पूरण काम ॥ पुत्र नेम दृढता बधू, भय मिटै सुखधाम ॥ धीरज की त्रिय है क्षमा, हरे क्रोध को ताप ॥ पुत्र आर्जव गर्व हर, मुदिता बधू अलाप ॥

संतोषपरिवार

तृप्ति नारि संतोष की, जाको सुत आनन्द ॥ करुणा बधू अनूप है, भय मेटै सुखकन्द ॥

सत्यपरिवार

सत्यनारि निज साधुता, सुत निष्कपट उदार ॥ जिज्ञासा ताकी बधू, प्यारी सब परिवार ॥