कबीर सागर (11 भाग संपूर्ण)

( १४ )

मुहम्मदबोध

मोकाम ९

तहाँते सहज द्रौप परमाना । दोय असंख तहाँते जाना ॥ ताहि मोकाम नाम आहूता । सोभा ताकी देख बहूता ॥

मोकाम १०

साखी-पहुँचे जायके लोक जहाँ, सन्त असंख दस लाख ॥ सो मोकाम जाहूतका, दस मोकाम यह भाख ॥

चौपाई

सलामा लेक तहाँ हम कीना । दस्ताबोस उनहु उठिलीना ॥ तहाँते अमरलोकको छोरा । नबी कवीर पहुँच तेहि ठौरा ॥ अमरलोकके हंस सब आये । तिनकी सोभा कही न जाये ॥ भरि भरि अंक मिले तहाँ आये । देखि मुहम्मद रहे खुलाये ॥ सब मिलि हंस गये पुनि तहाँवा । साहेब तखत पै बैठे जहाँवा ॥ जगर मगर छतर उजियारा । आम धनी का कहो बिहारा ॥ असंख भानु पुरुष उजियारा । अमरलोकको कहो विस्तारा ॥ सकल हंस तहाँ दरशन पाई । तिनकी सोभा बरनि न जाई ॥ तहाँवा जाय बंदगी कीना । नबी भये जो बहुत अधीना ॥

मुहम्मदवचन

चूक हमार बकस कर दीजै । जो तुम कहो सोई हम कीजै ॥

पुरुषवचन

कहु मुक्तामनि बेगि तुम आये । दूसर कौन सँग ले आये ॥

मुक्तामनि वचन

तब हम बचन पुरुषसे कीना । दोउ कर जोर बंदगी कीना ॥ तुम जो राज निरञ्जन दीना । तापर हुकुम अक्षरको कीना ॥ दोऊ अंश दोऊ दीन चलाये । तामें मृष्टि पकड़ि खुलाये ॥ तामैं एक सो हम ले आये । सो तो तुम्हरे कदम दिखाये ॥