कबीर सागर (11 भाग संपूर्ण)

( ८६ )

ज्ञानसागर

तिनका खेह मंदिर में होई । करई दूर भामिनी सोई ॥ या विधि काया संयम राधै । बांधै मूल अरु नाको साधै ॥

छंद-मूल बांधै नाम साधै काया संयम जानिकै ।

मन पवन दोई तुरी साजै युक्ति जीव बनायकै ॥

देह ताडना चित्त को तुबक सर छाड़ै आस हो ।

तेही आस चढ़टोरै ममासा जीव होय निकास हो ॥

सोरठा-ऐसी बाजी होई, मनके संग दौराइये ।

मन शूरा पुनि सो, कष्ट परै पुनि ना टरै ॥

चोपाई

परै कष्ट तब तोरिगे वासा । राखै खड़ नाम को पासा ॥

नाम अछ ते दूत डराई । भागे अरि शूरा जिमि पाई ॥

अरि के भाजैं होय हुलासा । दुविधा भिटै कमल परगासा ॥

अष्ट कमल देखै पुनि सोई । मानौ रंक महा धन होई ॥

देखै ब्रह्म जहाँ अस्थाना । भय भाजैं तब हो निर्वाना ॥

अष्टकमल वर्णन

अष्ट कमल तोहि भेद बताऊँ । अजपा सोहं प्रगट बुझाऊँ ॥

मूल कमल दल चार ठिकाना । देव गणेश तहाँ कीन्ह पयाना ॥

ऋद्धि सिद्धि बासा तहाँ होई । छै सौ जप अजपा तहाँ सोई ॥

द्वितीय कमल पटदल परमाना । तहाँ कमलन कर आहि ठिकाना ॥

सावित्री ब्रह्मा है जहवाँ । षट सहस्र जाप है तहवाँ ॥

छन्द-त्रय कमल दल अष्ट है हरि लक्ष्मी तिहि संग मौँ ।

षट सहस्र जहँ होई अजपा निरखि देखो अंग मौँ ॥

कमल चौथा द्वादश दल शिव को तहाँ निवासु हो ।

सुरति नरति करि लोक पहुँचै षट सहस्र जहाँ जासु हो ॥