कामकलाविलास (पुण्यानन्दनाथ - श्रीविद्या तत्त्व-विमर्श एवं चिद्वल्ली टीका सहित)

१४ कामकलाविलासः कभूमीनां पञ्चभूतानां, वर्णानाम् आदि-क्षान्ताक्षराणां च संभूतिरुत्पत्तिराम्नाता ॥ ९ ॥ एवं शोणविन्दोः सर्वात्मत्वं सर्वस्रष्टृत्वम् चोक्त्वा, तदिह शुभ्रविन्दोरपि तत्स्वरूपम् अतिदिशति अथ विशदादपि बिन्दो- र्गगनानिल-वह्नि-वारि-भूमिजनिः । एतत्पञ्चकविकृति र्जगदिदमण्वाद्यजाण्डपर्यन्तम् ॥ १०॥ विशदात् सर्वप्रकाशात्, बिन्दोः पूर्वव्याख्यातात्, गगना- दिपञ्चभूतात्मकानन्तब्रह्माण्डानि आविर्भावतिरोभावौ भजन्त इत्यर्थः । तथा च आगमः ‘स्वेच्छाविलसितानन्तजगद्रश्मिविलासवत् । नौमि संविन्महापीठं शिवशक्तिपराश्रयम् ॥’ इति ॥ १० ॥ एवं बिन्दुद्वयाभेदम् उक्त्वा, तद्दृष्टान्ततया मन्त्रदेवतयोरपि ऐक्यमाह