कर्पूरमञ्जरी (महाकवि राजशेखर - प्राकृत सट्टक एवं सान्वय हिन्दी व्याख्या)

३० बालभारतम् युधिष्ठिरः—जितोऽस्मि । तन्नियोजय कृत्यै । शकुनिः—पुनरपरः पणः क्रियताम् । युधिष्ठिरः—कः पुनरपरः पणः ? शकुनिः—भ्रातरः । युधिष्ठिरः— यो मन्थानकरः क्रतौ निजकुलप्राकारबन्धश्च यो दोर्भ्यां यः प्रसभं व्यधत्त च जरासंधस्य संधिच्छिदाम् । सोऽयं स्रस्तहिडिम्बडिम्बविजयी वीरखिलोकाद्भुतं भीमो भीमपराक्रमः पृथुगदाव्यग्राग्रपाणिः पणः ॥ २७ ॥ भीमः—भवतस्तु कः पणः ? दुर्योधनः— संकर्षणाभिजतनुज्ज्वलकीर्तिराशेः सार्धं मयाधिगतदिव्यमहारहस्यः । त्वत्सोदरस्य मम सोदर एष वीरो दुःशासनः प्रतिपणोऽस्य वृकोदरस्य ॥ २८ ॥ (उभौ क्रीडतः ।) शकुनिः—जितं जितं कौरवराजेन । अपरः पणः क्रियताम् । युधिष्ठिरः— कर्णप्रावरणैः सहैकचरणानश्वाननैः किंनरान्- रूपैस्तुल्यशिखांन्वलीमुरमुखैर्यक्षांश्च रक्षांसि च । निर्जित्या कनकाद्रितो जनपदान्यो राजसूयक्रतौ सम्राजं कृतवान्युधिष्ठिरमलं सोऽयं किरीटी पणः २९ ॥ भीमः—भवतस्तु कः पणः ? यो भार्गवाद्भगवतोऽर्जितचापवेदो द्रोणेन तुल्यगरिमा मम धर्ममित्रम् । स प्रीणितार्थिजनवाञ्छितरिक्तकर्णः कर्णः स्वयं प्रतिपणोऽस्य धनंजयस्य ॥ ३० ॥