काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

॥ काशिका ॥ २ ॥ ४ ॥ ५३५ वध्यास्ताम्। वध्यासुः। चकारान्तश्चायमादेशः, सचाकारस्य लोपो भवति। तस्य स्थानिवद्भावादवधीदिति हलन्तलक्षणा वृद्धिरतो हलादेर्लघोरिति न भवति ॥ लुङि च ॥ ४३ ॥ लुङि च परतो हनो वध इत्ययमादेशो भवति। अवधीत्। अवधिष्टाम्। अवधिषुः। योगविभाग उत्तरार्थः। आत्मनेपदेषु लिङि विकल्पो मा भूत् ॥ आत्मनेपदेष्वन्यतरस्याम् ॥ ४४ ॥ पूर्वेण नित्ये प्राप्ते विकल्प उच्यते। आत्मनेपदेषु परतो हनो लुङ्यन्यत- रस्यां वध इत्ययमादेशो भवति। आवधिष्ट। आवधिषाताम्। आवधिषत। न च भवति। आहत। आहसाताम्। आहसत * ॥ इणो गा लुङि ॥ ४५ ॥ इणो गा इत्ययमादेशो भवति लुङि परतः। अगात्। अगाताम्। अगुः।