काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

॥ काशिका ॥ ६ ॥ १ ॥ ५१५

अथोवाद्यपूर्वस्य योशीत्यस्मिन्नपि उत्वं विधीयते । रुत्वमस्याश्रयत्वात्पूर्वत्रासि- द्धमित्यसिद्धं न भवति । अत इति किम् । अग्निरत्र । तपरकरणं किम् । वृक्षा अत्र । सानुबन्धग्रहणं किम् । स्वरत्र । प्रातरत्र । अत इत्येव । वृक्ष इह । तस्यापि तपरत्वादत्र न भवति । वृक्ष आश्रितः । अप्लुतादिति किम् । सुश्रोता३ अत्र न्वसि । अप्लुत इति किम् । तिष्ठतु पय आ३इश्विन् । अत्र प्लुतस्यासिद्धत्वादुत्वं प्राप्नोतीत्यप्लुतादप्लुत इत्युच्यते ॥ हशि च ॥ ११४ ॥ हशि च परतो ऽत उत्तरस्य रोरुकारादेशो भवति । पुरुषो याति । पुरुषो हसति । पुरुषो ददाति ॥ प्रकृत्या ऽन्तःपादमव्यपरे ॥ ११५ ॥ एङो ऽतीत्येव । एह इति यत्पञ्चम्यन्तमनुवर्त