काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

॥ काशिका ॥ ७ ॥ १ ॥ ६४३ ॥ अथ सप्तमाध्यायस्य प्रथमः पादः ॥ युवोरनाकौ ॥ १ ॥ यु वु इत्येतयोरुत्सृष्टविशेषणयोरनुनासिकयोः प्रत्यययोर्ग्रहणं, तयोः स्थाने यथासङ्ख्यमन अक इत्येतावादेशौ भवतः। योरनः। वोरकः। नन्द्या- दिभ्यो ल्युः। नन्दनः। रमणः। सायमादिभ्यश्च्युट्युलौ तुट्। सायंतनः। चिरंतनः। ण्वुल्तृचौ। कारकः। हारकः। वासुदेवार्जुनाभ्यां वुन्। वासुदेवकः। अर्जुनकः। अनुनासिकयोरिति किम्। ऊर्णायुः। भुजिमृ- द्भ्यां युक्थुकौ। भुज्युर्मृत्युरिति। एवमादीनां हि यशोऽनुनासिकत्वं न प्रति- ज्ञायते, प्रतिज्ञानुनासिकाः पाणिनीयाः। युवोरिति निर्देशाद् द्वन्द्वैकवद्भाव- पक्षे ऽनित्यमागमशासनमिति