महाभारत (खंड २) - वन पर्व

वासुदेवेति यं प्राहुः कपिलं मुनिपुङ्गवम् । स चक्षुर्विकृतं कृत्वा तेजस्तेषु समुत्सृजन् ।। ३२ ।। ददाह सुमहातेजा मन्दबुद्धीन् स सागरान् । मुनिप्रवर कपिल वे ही भगवान् विष्णु हैं जिन्हें वासुदेव कहते हैं। उन महातेजस्वीने विकराल आँखें करके अपना तेज उनपर छोड़ दिया और मन्दबुद्धि सगरपुत्रोंको जला दिया ।। ३२ ½ ।।

तान् दृष्ट्वा भस्मसाद् भूतान् नारदः सुमहातपाः ।। ३३ ।। सगरान्तिकमागच्छत् तच्च तस्मै न्यवेदयत् । स तच्छ्रुत्वा वचो घोरं राजा मुनिमुखोद्गतम् ।। ३४ ।। मुहूर्तं विमना भूत्वा स्थाणोर्वाक्यमचिन्तयत् । (स पुत्रनिधनोद्भूतदुःखेन समभिप्लुतः । आत्मानमात्मनाऽऽश्वास्य हयमेवान्वचिन्तयत् ।।) अंशुमन्तं समाहूय असमञ्जःसुतं तदा ।। ३५ ।। पौत्रं भरतशार्दूल इदं वचनमब्रवीत् । षष्टिस्तानि सहस्राणि पुत्राणाममितौजसाम् ।। ३६ ।।