मालतीमाधवम् (महाकवि भवभूति - शास्त्रीय शृंगार एवं तान्त्रिक प्रकरण नाटक सम्पूर्ण १० अङ्क)

दशमोऽङ्कः। (ततः प्रविशति कामन्दकी मदयन्तिका लवङ्गिका च।) कामन्दकी—(सकरुणं साश्रम्।) हा वत्से मालति, मदङ्कालङ्- कारिणि, कासि। देहि मे प्रतिवचनम्। आ जन्मनः प्रतिमुहूर्तविशेषरम्य- ण्याचेष्टितानि तव संप्रति तानि तानि। चाटूनि चारुमधुराणि च संस्मृतानि देहं दहन्ति हृदयं च विदारयन्ति ॥ १ ॥ अपि च। पुत्रि, अनियतरुदितस्मितं विराज- त्कतिपयकोमलदन्तकुङ्मलाग्रम्। वदनकमलकं शिशोः स्मरामि स्खलदसमञ्जसमुग्धजल्पितं ते ॥ २ ॥ इतरे—(साश्रम्।) हों पिअसहि, सुप्पसण्णमुहचन्दसुन्दरि, कहिं गदासि। को दे सरीरस्स देवदुविलासपरिणामो एका- किणीए उवणदो।