मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

श्रीरस्तु अवतरणिका. ───── आर्या महाशयाः इदानीमिदमत्रावधारयितुमर्हन्ति तत्रभवन्तः भवन्तः, य एष मानमेयरहस्यश्लोकवार्तिकनाम्ना संगृहीतः प्रकाशितश्च प्रबन्धः सोऽसौ नानतिचिरेण प्रयत्नेन निष्पन्नः, असाधारणेन सर्वानपि कालान् सार्थक्यतो संग्रहिष्णुतास्वभावेन क्रमेणोपचिता नानाशास्त्रप्रमेयाः एकराश्यसंपादनेन प्रबन्धस्यास्य प्रमेयरूपतामनीयन्त, प्राणीयन्त च सुग्रहत्वाय स्थिरत्वाय च वार्तिकश्लोकरूपेणेति ॥ यत्पुनः सर्वस्वं विज्ञानसंपदां भारतधरित्र्याः बहोः कालात् बहुभिः कृतबुद्धिभिः समाजितं संवर्धितं च सर्वोपजीव्यं कुलधनं, प्राचीनैः परा- चीनैश्च क्वचित्क्वचित् महाप्रबन्धगुहासु निक्षिप्तं विप्रकीर्णं वा, तदेतत् एकदा एकधा एकत्र सर्वेषां समुपभोगार्हत्वाय समुद्धृत्य पर्यष्कारि प्रबन्ध- रूपेणेति च ॥ विदितमैवैतत्सर्वेषां सहृदयानां प्रायेणात्मीयस्य वस्तुनः गुणेषु सुद- र्शनं दोषेष्वदर्शनमिति, अथापि—"ग्रन्थे यदि गुणाः सन्ति विकसन्त्येव ते स्वयम्" इत्यनुसन्धाय सविनयमावेदयति कथंचित् उपकरोतु जगतां मह- तामनुग्रहेणेदमिति ॥ iii