मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

प्रपन्न इन्द्र शरणं सर्वस्य शरणं सुहृत् । इत्यादयः श्रुतिशतं विश्रुतं शरणागतौ ॥ स्मृतीतिहासवचनमनन्तं प्रथितं विदाम् । अतस्त्रैवर्णिकत्वादेः भावोऽभावोऽपि कस्य चित् ॥ नाधिकारः प्रपत्तौ स्यादार्किंचन्यमनाश्रितः । येषां तु भगवद्गीता प्रमाणमिति सम्मता ॥ प्रपत्तिस्साधनं मुक्तेरिति तैरखिलैर्मता । सा परंपरया हेतुरिति सर्वैर्विनिश्चिता ॥ साक्षादपि भवेद्धेतुरिति श्रीवैष्णवा विदुः । प्रपत्तिः द्विविधा तस्मात् स्वतन्त्राङ्गविभेदतः ॥ यद्येन कामकामेन न साध्यं साधनान्तरैः । तेनतेनाप्यते तत्तन्न्यासेनेव महामुने ॥ परमात्मा च तेनैव साध्यते पुरुषोत्तमः । भक्त्या परमया वाऽपि प्रपत्त्या वा महामुने ॥ प्राप्योऽहं नान्यथा प्राप्यः मम कैङ्कर्यलिप्सुभिः । इत्यादिकं वचोऽनन्तं भगवच्छास्त्रविश्रुतम् ॥ 2 अनन्यसाध्ये स्वाभीष्टे महाविश्वासपूर्वकम् । तदेकोपायतायाञ्चा प्रपत्तिश्शरणागतिः ॥ मुनिना भरतेनेत्थं प्रपत्तेर्लक्षणं कृतम् । त्वमेवोपायभूतो मे भवेति प्रार्थना मतिः ॥ M.R. 73