मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

उपसंहारः 6 केचित्तु कालभेदेन सामरस्यं प्रपेदिरे । आदौ श्रुतिमयी प्रज्ञेदानीं चिन्तामयी मता ॥ केचित्त्ववस्थाभेदेन विरोधाभावमभ्यधुः । बाल्ये श्रुतिः ततो युक्तिः तदन्योन्यसमुच्चयः । केचिद्विषयभेदेन विरोधाभावमूचिरे । उक्तिः प्रधानविषये युक्तिः तदनुबन्धिनि ॥ नीचाः कलहमिच्छन्ति संधिमिच्छन्ति साधवः इति न्यायस्सामरस्यविदुषां हृदयस्थितः ॥ देशभेदात्कालभेदात्पुंभेदादन्यथाऽन्यथा । पर्यवस्यति शास्त्रार्थ इत्याहुः क्रान्तदर्शिनः ॥ (125) उपसंहारः. 1 भूमण्डलेऽस्ति भरतखण्डेऽस्मिन् दक्षिणापथे । कर्णाटदेशो विख्यातः महागिरिसरिद्वृतः ॥ प्रायेण पुण्यतीर्थानां प्रभवो देशतो यतः । तथैव पुण्यक्षेत्राणां देशो यश्च समाश्रयः ॥ सुवर्णादिखनीनां च रत्नानामपि चाकरः । विद्यावीचिसहस्राणां पारावारायते च यः ॥ तत्र यद्द्रिनिकटे महाबलशिलोच्चयः । कावेरीकपिलानद्योर्मध्ये यस्तरळायते ॥ M.R. 79