रसार्णव (शैव रस-तन्त्र - प्राचीन भारतीय खनिज रसायन, धातुवाद एवं रस-चिकित्सा सटीक)

२२ रसार्णवे उत्तप्तहेमरुचिरां पीतवस्त्रां त्रिलोचनाम् ॥ ६९ ॥ श्वेतचामरयोर्मध्ये मुक्ताच्छत्रेण शोभिताम्¹ । अङ्कुशं चाक्षमालां च दधतीं दक्षहस्तयोः ॥ ७० ॥ पाशाभये च वामाभ्यां² चन्द्रार्द्धकृतशेखराम् । रसाङ्कुशीं³ महादेवीं नीलग्रीवां कृपामयीम् ॥ ७१ ॥ पूजयेद्रससिद्ध्यर्थं विद्यया पञ्चबीजया । वाग्भवं भुवनेशीञ्च⁴ श्रोबीजञ्च सुरेश्वरि ॥ ७२ ॥ मादनं⁵ शक्तिबीजञ्च—विद्या⁶ परमदुर्लभा । धूपदीपैस्तु नैवेद्यैः⁷ पुष्पताम्बूलचन्दनैः ॥ ७३ ॥ शान्तिपाठस्य निर्घोषैः⁸ स्तोत्रमङ्गलनिस्वनैः⁹ । घण्टाटङ्कारसंयुक्तैः पूजां कृत्वा यथाविधि ॥ ७४ ॥ अघोरेण बलिं दद्यात् सर्व्वविघ्नोपशान्तये¹⁰ ।

---

(1) K reads मुक्ताच्छत्रोपशोभितां, which is a palpable error of the scribe. (2) वरदाभयदण्डाढां, a variant in K. पाशभयी च वामाभ्यां, a variant in M, wherein the first term is grammatically incorrect. (3) रसाङ्कुशां, a reading in M. (4) K reads भुवनेशानीं. भुवनेशिञ्च, a variant in M, which ought to be भुवनेशीञ्च. (5) K reads मदनं. (6) K reads विद्यया, which is incorrect. This charaṇa “विद्या परमदुर्लभा” is the remark made by Śiva to draw special attention of his consort. This विद्या is to be communicated by the गुरु to his शिष्य (see śloka 82). (7) धूपदीपैः सुनैवेद्यैः, a variant in K. (8) K reads शान्तिपाठैश्च निर्घोषैः. M reads शास्त्रपाठस्य निर्घोषैः. We have adopted the above reading after collating all the texts. (9) K reads निःस्वनैः. (10) K reads सर्व्वविघ्नस्य शान्तये ।