सात्वत संहिता (पाञ्चरात्र आगम - भगवान् सङ्कर्षण-नारद संवाद सान्वय सटीक)

२४२ सात्वतसंहिता समं सूत्रचतुष्कं च चतुरश्राश्रसिद्धये । तद्विभाज्याष्टदशाभिश्चतुर्दिक्षु पदैः समैः ॥ ७ ॥ क्षिपेत् सूत्रगणं तत्र घटिकारेणुरञ्जितम् । मध्ये पद्मावनिं कुर्याद् भागपङ्क्तित्रये क्रमात् ॥ ८ ॥ तद्बहिः पदपङ्क्त्या तु पीठमष्टदिगान्वितम् । तस्य भागचतुष्कोत्थं दिक्चतुष्कं प्रकल्प्य च ॥ ९ ॥ विदिक्कचतुष्कं त्रिपदं पङ्क्त्या पीठप्रदक्षिणम् । प्रदक्षिणं क्षितेर्बाह्याच्चतुष्कं दिक्चतुष्टयात् ॥ १० ॥ चतुर्णां तु चतुर्णां तु बाह्याद् बाह्यं द्वयं द्वयम् । शोधयित्वा तु तद्बाह्याच्चतुष्कं द्वारसिद्धये ॥ ११ ॥ चतुष्टयं क्रमेणैव भूयो दिक्षु पदं पदम् । सबाह्याभ्यन्तरगतं शोधनीयं प्रयत्नतः ॥ १२ ॥ पुनः सर्वपदाभ्यां तु षट्कं षट्कं तु चान्तरात् । संमार्ज्य पूर्णशोभार्थं तत्र रक्तोत्पलाष्टकम् ॥ १३ ॥ यथा दिक्षु स्थितं कुर्यात् पूजनाय दिवौकसाम् । बाह्यस्थपदपाश्र्वात् तु त्रीणि त्रीणि च लोपयेत् ॥ १४ ॥ त्रयाणामन्तरस्थं यत्यदमेकात्मतां नयेत् । उपशोभं तु तं विद्धि कुर्यान्नीलाब्जभूषितम् ॥ १५ ॥ पञ्चकं पञ्चकं कोणाद् वीथौ नीत्वा लयं पुरा । शेषैः कोणं तु निर्वर्त्य सान्तरं च ततो बहिः ॥ १६ ॥ दद्यात् सूत्रत्रयं चैव मध्येऽथ कमलं लिखेत् । तेन पृष्टो भगवान् पूर्वं मण्डललक्षणमाह—संसाध्य यष्टियोगेनेत्यारभ्य क्रमाद् रेखागणं बहिरित्यन्तम् । अस्यैवं प्रयोगः—संसाध्य यष्टियोगेनेत्याद्युक्तप्रकारेण वेदि- कोपरिभागं सूत्रपातादिना चतुरश्रीकृत्य तत्क्षेत्रं समैरष्टादशपदैर्विभज्य घटिकारेणुरञ्जितं सूत्रगणं तत्र प्रक्षिप्य मध्ये पङ्क्तित्रयस्य षट्त्रिंशत्कोष्ठेषु पद्मं कुर्यात् । तद्बहिरेकया पङ्क्त्या पीठं कुर्यात् । तत्र चतुर्भिश्चतुर्भिः कोष्ठैः प्रागादिदिक्चतुष्टयं त्रिभिस्त्रिभिः कोष्ठैराग्नेयादिविदिक्चतुष्टयं कुर्यात् । तद्बहिरेकया पङ्क्त्या प्रदक्षिणविधिं कृत्वा तद्बहिः पङ्क्तिद्वये पूर्वादिदिक्षु पूर्णशोभाचतुष्टयसिद्ध्यर्थं प्रागादिष्वन्तःपङ्क्त्यां कोष्ठचतुष्कं बहिःपङ्क्त्यां कोष्ठद्विकं चैकीकृत्य तद्बहिः पूर्वादिषु पङ्क्तिद्वयस्थ- कोष्ठचतुष्केण चतुर्द्वाराणि परिकल्प्य पूर्णशोभापार्श्वयोरर्धशोभासिद्ध्यर्थं बहिः- पङ्क्त्यां कोष्ठद्विकमन्तः पङ्क्त्यामेकं कोष्ठं चैकीकृत्य प्रागादिपूर्णशोभाचतुष्के रक्तोत्पलाष्टकमर्धशोभाष्टके नीलोत्पलाष्टकं च विलिखेत् । आग्नेयादिविदिक्षु उपशो-