शतपथ ब्राह्मण (शुक्ल यजुर्वेद - प्रथम भाग)

त॒मेवं॑ भृ॒त्वा स॑मुद्र॒मभ्य॒वह॑ञ्चकार । स॒ यति॑थीं तत्समां॑ प॒रिदि॑देश॒ तति॑थीꣳ समां॑ नाव॑मुपकल्प्यो॒पासां॑ चक्रे स॒ औघऽउ॒त्थिते नावं॑मपे॒दे तꣳ स मत्स्य॒ उप॑न्यापुप्लुवे तस्य॒ शृङ्गे॒ नावः॒ पाशं॑ प्र॒तिमु॑मोच॒ तेनै॑तमुत्त॒रं गि॒रिमति॑दुद्राव ॥५॥ स॒ हो॑वाच । अ॒पीप॑रं वै त्वा वृ॒क्षे नावं॒ प्रति॑बध्नीष्व॒ तं तु त्वा॒ मा गि॒रौ सन्त॑मुद॒कमन्तश्छे॒त्सी- द्य्याव॑दुद॒कꣳ सम॑वायात्ताव॑त्ताव॒दन्व॑वस॒र्पासी॑ति॒ स ह॒ ताव॑त्ताव॒देवान्व॑वससर्प॒ त- दे॒तदु॑त्त॒रस्य गि॒रेर्मनो॒रव॑सर्प॒णमित्यौ॒घो ह॒ ताः सर्वाः प्र॒जा नि॑र्ज्जा॒हाथे॒ह मनु॑रे- वैकः॑ परिशिशि॒षे ॥६॥ सोऽर्च॑ञ्च्श्रा॒म्यंश्च॑चार प्र॒जाका॑मः । तत्रा॑पि पाकय॒ज्ञेने॑जे स॒ घृ॒तं दधि॑ म॒स्त्वामि॒क्षामित्य॒प्सु जु॑हुवाञ्चकार॒ ततः॒ संवत्स॒रे योषि॑त्सम्ब॒भूव सा ह॑ पि॒ब्दमा॑नेवो॒देया॑य॒ तस्यै॑ ह॒ स्म घृ॒तं प॒दे संति॑ष्ठते॒ तया॑ मित्रावरु॒णौ संज॑ग्माते ॥७॥ ताꣳ हो॑चतुः॒ कासीति॑ । मनो॑र्द्दुहि॒तेत्याव॑योर्द्दुहि॒ति नेति॒ हो॑वाच॒ य ए॒व मामजी॑जनत॒ तस्यै॒वाहम॒स्मीति॒ तस्याम॒पित्व॑मीषाते॒ तद्धा ज॒ज्ञौ तद्धा न॑ ज॒ज्ञावति॒ त्वे॒विया॑य॒ सा मनु॒माज॑गाम ॥८॥ ताꣳ ह॒ मनू॑रुवाच॒ कासीति॑ । तव दुहि॒तेति॑ क॒थं भग॑वति॒ मम॑ दुहि॒तेति॒ या अमू॒रप्स्वाहु॑तीरहौ॒षीर्घृतं॒ दधि॑ म॒स्त्वामि॑क्षां॒ ततो॑ मामजी॑जनथाः॒ साशी॒रस्मि॒ तां मा य॒ज्ञेऽव॑कल्पय य॒ज्ञे चेद्वै मावकल्पयिष्य॑सि ब॒हुः प्र॒जया॑ प॒शुभि॑र्भविष्यसि॒ याम॒मुया॒ कां चाशि॑षमाशासि॒ष्यसे॒ सा ते॒ सर्वा॒ समर्धि॑- ष्यत॒ऽइति॒ तामेतन्मध्ये॑ य॒ज्ञस्यावा॑कल्पयन्मध्ये॒ ह्येतद्य॒ज्ञस्य॒ यद॑न्त॒रा प्र॑याजानुया- जान् ॥९॥ त॒यार्च॑ञ्च्श्रा॒म्यंश्च॑चार प्र॒जाका॑मः । तये॒मां प्र॒जातिं॑ प्र॒जज्ञे॒ येयं मनोः प्र॒जा- तिर्याम्वे॑नया॒ कां चाशि॑षमा॒शास्त॒ सास्मै॒ सर्वा॒ समा॑र्ध्यत ॥१०॥ सैषा निदा॒नेन॒ यदि॒डा । स यो॒ हैवं॑ वि॒द्वानिडया॒ चर॑त्येताꣳ हैव प्र॒जातिं॑ प्र॒जायते॒ यां मनुः॒ प्रा- जायत याम्वे॑नया॒ कां चाशि॑षमा॒शास्ते॒ सास्मै॒ सर्वा॒ समृ॑ध्यते ॥११॥ सा वै प॒ञ्चा- व॒त्ता भव॑ति । प॒शवो॒ वाऽइ॑डा पा॒ङ्क्ता वै प॒शव॒स्तस्मात्पञ्चाव॒त्ता भव॑ति ॥१२॥ स॒ सम॑वदायेडाम् । पूर्वार्धं पुरोडाशस्य प्रशीर्य्य पुरस्ताद्द्‍ध्रुवाये॒ निद॑धाति॒ ताꣳ होत्रे॒