अथ तृतीयोऽध्यायः

भगवान्‌के अन्य लीलाचरित्रोंका वर्णन

उद्धव उवाच

ततः स आगत्य पुरं स्वपित्रो-
  श्चिकीर्षया शं बलदेवसंयुतः ।
निपात्य तुङ्गाद्रिपुयूथनाथं
  हतं व्यकर्षद् व्यसुमोजसोर्व्याम् ॥१॥

उद्धवजी कहते हैं—इसके बाद श्रीकृष्ण अपने माता-पिता देवकी-वसुदेवको सुख पहुँचानेकी इच्छासे बलदेवजीके साथ मथुरा पधारे और उन्होंने शत्रुसमुदायके स्वामी कंसको ऊँचे सिंहासनसे नीचे पटककर तथा उसके प्राण लेकर उसकी लाशको बड़े जोरसे पृथ्वीपर घसीटा ॥१॥

सान्दीपनेः सकृत्प्रोक्तं ब्रह्माधीत्य सविस्तरम् ।
तस्मै प्रादाद्वरं पुत्रं मृतं पञ्चजनोदरात् ॥२

समाहुता भीष्मककन्यया ये
  श्रियः सवर्णेन बुभूषयैषाम् ।
गान्धर्ववृत्त्या मिषतां स्वभागं
  जह्रे पदं मूर्ध्नि दधत्सुपर्णः ॥३

ककुद्मतोऽविद्धनसो दमित्वा
  स्वयंवरे नाग्नजितीमुवाह ।
तद्भग्नमानानापि गृध्यतोऽज्ञा-
  ञ्जघ्नेऽक्षतः शस्त्रभृतः स्वशस्त्रैः ॥४

प्रियं प्रभुर्ग्राम्य इव प्रियाया
  विधित्सुराच्छेद् द्युतरुं यदर्थे ।
वज्र्याद्रवत्तं सगणो रुषान्धः
  क्रीडामृगो नूनमयं वधूनाम् ॥५

सुतं मृधे खं वपुषा ग्रसन्तं
  दृष्ट्वा सुनाभोन्मथितं धरित्र्या ।
आमन्त्रितस्तत्तनयाय शेषं
  दत्त्वा तदन्तःपुरमाविवेश ॥६