तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

तैत्तिरीये आरण्यके

पञ्चमप्रपाठके प्रथमोऽनुवाकः ।

---

श्ननस्तन्नो॒ माहा॑सीत् । ॐ शान्तिः॒ शान्तिः॒ शान्तिः॑ । ओम् ।

^(१)दे॒वा वै स॒त्रमा॑सत । ऋ॒द्धिप॑रिमितं॒ यश॑स्कामाः । तेऽब्रु॑वन् । यन्नः॒ प्रथमं॒ यश॑ ऋ॒च्छात् । सर्वे॑षान्नस्तत्स॒हास॒दिति॑ । तेषां॑ कुरुक्षे॒त्रं वेदि॑रासीत् । तस्यै॑ खाण्ड॒वो दक्षि॑णार्द्ध आसीत् । तूर्घ्न॒मुत्त॑रार्द्धः । परि॑णज्ज॑घनार्द्धः । मरव॑ उत्क॒रः ॥ १ ॥

तेषां॑ म॒खं वैष्ण॒वं यश॒ आर्छ॑त्^(१) । ^(२)तन् न्य॑कामयत । तेनापा॑क्रामत् । तं दे॒वा अ॑न्वा॒यन् । यशो॑ऽवरु॑त्समानाः । तस्यान्वा॑गतस्य । स॒व्याद्धनु॒रजायत । दक्षि॑णादिष॑वः । तस्मा॑दि॒षुधन्वं॑ पु॒ण्यंज॑न्म । य॒ज्ञज॑न्मा हि ॥ २ ॥

तमेकँ॑ सन्तं॑ । ब॒ह्वो नाभ्य॑धृष्णुवन् । तस्मादेक॑मिषुध॒न्विनं॑ । ब॒ह्वो॑ऽनिषुध॒न्वा नाभिधृ॑ष्णुवन्ति^(२) । ^(३)सो॑ऽस्मयत । एकं॑ मा॒ सन्तं॒ बह॑वो॒ नाभ्य॑धर्षिषुरिति॑ ।

---

१ एतन्मन्त्रस्य भाष्यं ३७१ पृष्ठे द्रष्टव्यं ।
२ ,, ३७२ ,,
३ ,, ३७३ ,,