तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

५ प्रपाठके ५ अनुवाकः। ६०६

द्वि॒क्ष्वेव॒ प्रति॑तिष्ठन्ति॑^{(४०)}। ^{(४१)}ऊ॒र्ध्वं धू॑न्वन्ति। सु॒वर्गस्य॑ लो॒कस्य॒ सम॑ष्ट्यै^{(४१)} ॥ ^{(४२)}सर्व॑तो॒ धून्व॑न्ति। तस्मा॑द॒यꣳ सर्व॑तः पवते^{(४२)} ॥ १३ ॥

द॒धा॒ति॒(१), इन्वा॒न्वाह॒(२), य॒ज्ञस्य॑(३), आ॒ह॒(४), ए॒षः(५), उ॒परिष्टा॑दाशी॒रन्यः॑(६), व्या॒स्था॒पय॑न्ति(७), र॒श्मयः॑(८), भव॑न्ति(९), धन्वेत्याह॑(१०), य॒ज्ञः(११), च॒क्राम्(१२), सम॑ष्ट्यै, द्वे च॑(१३), ॥ अनु० ४ ॥

---

अथ पञ्चमोऽनुवाकः।

^{(१)}अ॒ग्निष्ट्वा॒ वसु॑भिः पुर॒स्ताद्रो॑चयतु गाय॒त्रेण॒ छन्द॑सेत्या॑ह। अ॒ग्निरे॒वैनं॒ वसु॑भिः पुर॒स्ताद्रो॑चयति गाय॒त्रेण॒ छन्द॑सा^{(१)}। ^{(२)}स मा॑ रुचि॒तो रो॑चये॒त्याह॑। आ॒शिष॑मे॒वैतामाशा॑स्ते^{(२)}। ^{(३)}इन्द्र॑स्त्वा रु॒द्रैर्द॑क्षिण॒तो रो॑चयतु त्रैष्टु॒भेन॒ छन्दसेत्या॑ह। इन्द्र॑ ए॒वैनꣳ॑ रु॒द्रैर्द॑क्षिण॒तो रो॑चयति त्रैष्टु॒भेन॒ छन्द॑सा। स मा॑ रुचि॒तो रो॑चये॒त्याह॑। आ॒शिष॑मे॒वैतामाशा॑स्ते। वरु॑णस्त्वादि॒त्यैः

---

४१	एतन्मन्त्रस्य भाष्यं	४३३	पृष्ठे द्रष्टव्यं ।
४२	,,	४३३	,,
१	,,	४३४	,,
२	,,	४३४	,,
३	,,	४३५	,,

4 E 2