तन्त्रालोक (प्रथम भाग - जयरथ विवृति सहित)

श्लोक १६१ ] प्रथमाह्निकम् । १६७ सत्यपि ज्ञानाख्ये कारणे कार्यात्मा मोक्षो न स्यात्- इत्यानिष्टापादनात्मायं प्रसङ्गो नाशङ्कनीयः ? इत्याह यतश्चात्मप्रथा मोक्ष- स्तन्नेहाशङ्क्यमीदृशम् । नावश्यं कारणात्कार्यं तज्ज्ञान्यपि न मुच्यते ॥१६१॥ ज्ञानिनो हि अवश्यभाविनी मुक्तिः इति भावः । अत एव च 'तेषां ज्ञानी नित्ययुक्त एकभक्तिर्विशिष्यते । प्रियो हि ज्ञानिनोऽत्यर्थमहं स च मम प्रियः ॥' इति । तथा '................... ज्ञानी त्वात्मैव मे मतः ।' इत्यादि गीतम् ॥ १६१ ॥ ननु 'ज्ञानमेव विमोक्षाय ...............।' इत्यादिना ज्ञानमोक्षयोः कार्यकारणभाव उक्त एव, इति कथं नायं प्रसंगः ? इत्याह यतो ज्ञानेन मोक्षस्य या हेतुफलतोदिता ।