वैयाकरण सिद्धान्त कौमुदी (भट्टोजि दीक्षित - बालमनोरमा व तत्त्वबोधिनी टीका सम्पूर्ण पूर्वार्ध)

तस्य समूहः ॥ ४।२।३७ ॥ काकानां समूहः काकम् । बाकम् ॥ भिक्षादिभ्योऽण्^A ॥ ४।२।३८ ॥ भिक्षाणां समूहो भैक्षम् । गर्भिणीनां समूहो गार्भिणम् । इह 'भस्याढे' इति पुंवद्भावे^१ कृते ॥ इनण्यनपत्ये ॥ ६।४।१६४ ॥ अनपत्यार्थेऽणि परे इन् प्रकृत्या स्यात् ॥ तेन 'नस्तद्धिते' इति टिलोपो न । युवतीनां समूहो यौवनम् । शत्रन्तादनुदात्तादेरञ् । यौवतम् ॥ गोत्रोक्षोष्ट्रोरभ्रराजराजन्यथराजपुत्रवत्समनुष्याजाद्वुञ् । ४ । २ । ३९ ॥ एभ्यः समूहे वुञ् स्यात् । लौकिकमिह गोत्रं तच्चापत्यमात्रम् ॥ युवोरनाकौ ॥ ७।१।१ ॥ यु वु एतयोरनुनासिकयोः क्रमादन अक एतावादेशौ स्तः ॥ ग्लुचुकायनीनां समूहो ग्लौचुका- यनकम् ॥ औक्षकमित्यादि । 'आपत्यस्य चेति य