वासिष्ठ धर्मशास्त्र (महर्षि वसिष्ठ - प्राचीन वैदिक स्मृति सटीक)

५७ राजमहिष्याः पितृव्यमातुलान्राजा बिभृयात् ॥ ३१ ॥ तद्बन्धूंश्चान्यांश्च ॥ ३२ ॥ राजपत्न्यो ग्रासाच्छादनं लभेरन् ॥ ३३ ॥ अनिच्छन्त्यो वा प्रव्रजेरन् ॥ ३४ ॥ क्लीवोन्मत्तान् राजा बिभृयात् ॥ ३५ ॥ तद्गामित्वादरिक्थस्य ॥ ३६ ॥ शुल्के चापि मानवं श्लोकमुदाहरन्ति । न भिन्नकार्षापणमस्ति शुल्के न शिल्पवृत्तौ न शिशौ न दूते । न भैक्षलब्धे न हुतावशेषे न श्रोत्रिये प्रव्रजिते न यज्ञ इति ॥ ३७ ॥ स्तेनो नुप्रवेशान्न दुष्यते ॥ ३८ ॥ शस्त्रधारी सहोढो व्रणसंपन्नो व्यपदिष्टस्त्वेकेषाम् ॥ ३९ ॥ दण्ड्योत्सर्गे राजैकरात्रमुपवसेत् ॥ ४० ॥ त्रिरात्रं पुरोहितः ॥ ४१ ॥ कृच्छ्रमदण्ड्यदण्डने पुरोहितः ॥ ४२ ॥ त्रिरात्रं राजा ॥ ४३ ॥ अथाप्युदाहरन्ति । अन्नादे भ्रूणहा मार्ष्टि पत्यौ भार्यापचारिणी । गुरौ शिष्यश्च याज्यश्च स्तेनो राजनि किल्बिषम् ॥ ४४ ॥ (मनौ ८।३१७॥) राजभिर्धृतदण्डास्तु कृत्वा पापानि मानवाः । निर्मलाः स्वर्गमायान्ति सन्तः सुकृतिनो यथा ॥ ४५ ॥ (मनौ ८।३१८) कृतदण्डा इति च तत्र पाठः । 39. °संपन्नस्य व्यपावदृस्तु thus all, MSS.