वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

70 वास्तुमण्डनम् आयतुल्यं पिशाचः स्यादायाधिकस्तु राक्षसः । ²³चिन्तात्मको व्ययः प्राज्ञैरष्टस्वायेषु वर्जितः ॥ ४३ ॥ शान्तोऽथ पौरः प्रद्योतः श्रियानन्दो मनोहरः । श्रीवत्सो विभवश्चैव ²⁴चिन्तात्मको व्ययाष्टकम् ॥ ४४ ॥ ध्वजे शान्तः शुभो गेहे नित्यं कल्याणकारकः । भोगपूजाबलिर्नृत्यगीतवाद्यं सुरालये ॥ ४५ ॥ इति ²⁵व्ययाः ॥ मूले व्ययान्विते वेश्म नामाक्षरविमिश्रिते । त्रिभिर्भक्ते भवेदंश शेष इन्द्रो यमो नृपः ॥ ४६ ॥ प्रासादप्रतिमालिङ्गे वेद्यामिन्द्रो ध्वजो हितः । सर्वत्र शोभनो राजा पुरराजगृहादिषु ॥ ४७ ॥ यमो मातृगणेशादि मद्यमांसादिविक्रये । भैरवे क्रूरदेवे च हितो मृत्युकरो गृहे ॥ ४८ ॥ इत्यंशकाः ॥ ²⁶गणयेत्स्वामिनक्षत्रात् यावदृक्षं गृहस्य च । नवभिस्तु हरेद्भागं शेषा तारा प्रकीर्तिताः ॥ ४९ ॥ शान्ता मनोहरा क्रूरा विजया कलहावहा । पद्मिनी राक्षसी वीरा आनन्दा नवमी स्मृताः ॥ ५० ॥ तृतीया विपदं कुर्यात्पञ्चमी तेजसः क्षयम् । सप्तमी धननाशं च तेन तारात्रयं त्यजेत् ॥ ५१ ॥ इति तारा ॥ २३. चित्रा - in B २४. चिन्तात्मेति - in B, C, D, E २५. क्षेत्रफलम् in E २६. Similar verses in Aparājitā pṛchhā ch 66 v 32-33