वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

114 वास्तुमण्डनम् कपाटस्य तु पिण्डेन सन्धिपालास्तु कारयेत्। मध्ये यः सन्धिपालस्तु सार्धसंमितविस्तरः॥ ६५ ॥ सुद्रव्यं सुस्थितं कान्तं स्वदिग्भागे प्रयोजयेत्। न विद्रुतं कृशं मध्ये नाध्मातं नातिपीडितम्॥ ६६ ॥ न कुब्जं न बहिर्यातं न ह्रस्वं न तथोच्चकैः। वक्रं नान्तर्गतं श्रेष्ठं तद्द्वारं सर्ववास्तुषु ॥ ६७॥ उपर्युपरि भूमीनां द्वारं कुर्यात्प्रदक्षिणम्। नापसव्येन कुर्वीत द्वारमारोहणानि च॥ ६८ ॥ तन्मध्ये सद्मनो द्वारं कुर्याद्दैवपदस्य च। न शूले न पदेनापि शिरापाते तदिष्यते॥ ६९ ॥ रथ्याचत्वरशृङ्गाटप्रासादप्रतिमाध्वजैः। वापीकूपप्रणालादि सरःप्रस्रवणभ्रमैः॥ ७० ॥ कुड्यकोणतरुस्तम्भद्वारपट्टतुलादिभिः। दरोत्कटवल्मीकपङ्ककीलांत्यजालयैः ॥ ७१ ॥ शिरामर्मादिभिर्विद्ध द्वारं स्याद्बहुदोषदम्॥ ७२ ॥ तथा च ॥ द्वारद्रव्यैस्तुलास्तम्भनागदन्तगवाक्षकैः। द्वारमध्येऽर्दिते रोगकुलपीडाधनक्षयाः ॥ ७३ ॥ निरन्तरस्थितैर्द्रव्यैस्तिर्यक्क्रान्तैश्च मन्दिरे। मर्मवेधो न दोषाय द्वारवेधोऽथवा क्वचित्॥ ७४ ॥ न प्राकारान्तरे वेधोऽथराजमार्गान्तरेऽपि। न स्तम्भपट्टादिवेधस्तु न भित्यन्तरतो भवेत्॥ ७५ ॥