वास्तु मण्डन (मण्डन सूत्रधार - गृह, राजप्रासाद, दुर्ग एवं नगर-वास्तु सटीक)

58 वास्तुमण्डनम् पूर्वाग्न्योरन्तरे पूजां कृत्वा पूर्वं न्यसेच्छिलाम्। शेषाः प्रदक्षिणाः स्थाप्याः शिलाधो रत्नपञ्चकम् ॥ २०० ॥ गर्गः ॥ ततः पुण्याहघोषेण शिलान्यासं प्रकारयेत्। ऐशानी२६४मादितः कृत्वा प्रादक्षिण्यक्रमेण २६५च ॥ २०१ ॥ अनेनैव विधानेन स्तम्भद्वाराधिरोहणम्। शिलान्यासस्तु रोहिण्यां श्रवणे हस्तपुष्ययोः ॥ २०२ ॥ मृगशीर्षं च रेवत्यामुत्तरात्रितये शुभः। गृहीतवास्तुमध्ये तु समं कृत्वा भुवःस्थलम् ॥ २०३ ॥ जलेन २६६दण्डमात्रेण साध्यं तच्चतुरस्रकम्। भित्तेर्मूले न्यसेद्द्रव्यं रत्न-रौप्य-सुवर्णकम् ॥ २०४ ॥ गृहे तत्र भवेल्लक्ष्मीर्द्रव्य२६७हीने दरिद्रता। लेपहीनाऽधिका भित्तिरशास्त्रा २६८पादवर्जिता ॥ २०५ ॥ समसन्धिः शिरोगुर्वी षड्दोषैर्धननाशनम्। भूमेर्धनाख्यसम्पत्तिं काष्ठादिद्रव्यनिश्चयम् ॥ २०६ ॥ सम्यग्विचिन्त्य हृदये प्रारभेत गृहादिकम् ॥ २०७ ॥ इति श्री सूत्रधारमण्डनविरचिते वास्तुशास्त्रे वास्तुमण्डने मिश्रकाध्यायः प्रथमः। श्लोकाः २०७॥ २६४. मादेतः in A २६५. तु in BCDE २६६. नंड in B, मंडमांड C.D,E writes note वंसल, वंशला, २६७. मूले in BCDE २६८. वादविवर्जिता in. A