वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

॥ श्रीगणेशाय नमः ॥ अथ वीरमित्रोदयस्य राजनीतिप्रकाशः । कोपाटोपनटत्सटोद्भटमटद्भूभीषणभ्रूकुटि भ्राम्यद्भैरवदृष्टि निर्भरनमद्दर्वीकरोर्वीधरम् । गीर्वाणारिवपुर्विपाटनविकटाभोगत्रुटद्धाटक- ब्रह्माण्डोरुकटाहकोटि नृहरेरव्यादपूर्वं वपुः ॥ १ ॥ सटाग्रव्यग्रेन्दुस्स्रवदमृतबिन्दुप्रतिवल- न्महादैत्यारम्भस्फुरितगुरुसंरम्भरभसः । लिहन्नाशाचक्रं हुतवहशिखावद्रसनया नृसिंहो रंहोभिर्दमयतु मदंहो मदकलम् ॥ २ ॥ संसारध्वंसिकंसप्रमुखसुररिपुप्रांशुवंशावतंस- भ्रंशी वंशीधरो वः प्रचुरयतु चिरं शं स राधारिरंसी ॥ यच्चूडा रूढगूढस्मितमधुरमुखाम्भोजशोभां दिदृक्षु- र्गुञ्जाभिः सानुरागालिकनिकटनटच्चन्द्रकव्यक्तचक्षुः ॥३॥ लीलाभ्रान्तिबिसर्पदम्बरतया व्यग्राङ्घ्रिकान्तं पद- न्यासन्यञ्चदुदञ्चदद्रिवसुधाभोगीन्द्रकूर्माधिपम् ॥ फूत्कारस्फुरदुत्पतत्फणिकुलं रङ्गज्जटाताडन- ध्मातव्योमगभीरदुन्दुभि नटन्नव्यात्स वो धूर्जटिः ॥ ४ ॥ कुम्भोद्भ्रान्तमधुव्रतावलिवलज्झङ्कारकोलाहलैः