विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

विश्वरूपं च ब्रह्माणं तथा देवं त्रिविक्रमम् ॥ ९॥ गवां कूर्म्म नरं चैव तथा नारायणं हरिम् ॥ ९॥ रामं कृष्णं च वरदं कृतिकांश्च पूजयेत् ॥ नृहरिं नृवराहं च तथा देवं त्रिविक्रमम् ॥ १० ॥ कपिलं योगिशयनं वराहं मत्स्यमेव च ॥ रामं रामं च धर्मज्ञं कूर्मं हंसं च यादव ॥ ११ ॥ प्रद्युम्नं बलदेवं च वराहं च तथा क्रमात् ॥ १३ ॥ तिथिषु प्रथमाद्यासु क्रमेणैव समर्चयेत् ॥ १२ ॥ गृहेष्वेतानिं देवं सर्वकामप्रसिद्धये ॥ तस्य सर्वातिथियुषस्मान्माहाश्लेषर्जगद्गुरोः ॥ १३ ॥ स सर्वशक्तिसम्पन्नान्महात्मा पूज्यः सदा भक्तिमुपेत्य राजन् ॥ संपूजनं देवरसस्य तस्य भक्तिः प्रधाना न हि कालयोगः ॥ १४ ॥ इति विष्णुधर्मोत्तरे तृतीयखण्डे मार्कण्डेयवज्रसंवादे कालनियमपूजावर्णनो नाम त्रिंशत्युत्तरशततमो ऽध्यायः ॥ १२० ॥ वज्र उवाच ॥ कस्मिन्देशे महाभाग प्रादुर्भावं कमर्चयेत् ॥ एतन्मे संशयं छिन्धि त्वं हि सर्वं विजानसे ॥ १ ॥ मार्कण्डेय उवाच ॥ ब्रह्माणं पुष्करे देवं प्रयागे योगशायिनम् ॥ कालंजरे महादेवं शक्रतीर्थे शतक्रतुम् ॥ २ ॥ सिन्धुकूले वराहं च शालिग्रामे त्रिविक्रमम् ॥ काश्मीरेषु तथा मत्स्यं सागरे वडवानलम् ॥ ३ ॥ अयोध्यायां तथा रामं नैमिषे धर्ममेव च ॥ कर्णाटे चाप्यनिरुद्धं मद्रदेशे नृकेसरिम् ॥ ४ ॥ शत्रुघ्नं मथुरायां च दण्डकेषु च लक्ष्मणम् ॥ भरतं केकयेष्वेव यमुनायां तथा बलिम् ॥ ५ ॥ प्राग्ज्योतिषेडनिरुद्धं च प्रद्युम्नं दक्षिणापथे ॥ तथा भार्गवरामं च मलये यदुनन्दनम् ॥ ६ ॥ पाञ्चालविषये राजन्पृत्थुं वैन्यं च पूजयेत् ॥ तमसामतीरमासाद्य वाल्मीकिं पूजयेन्नरः ॥ ७ ॥ वाराणस्याः परे पारे व्यासं यदुकुलोद्वह ॥ गङ्गाकूले महाराज वासुदेवं च पूजयेत् ॥ ८ ॥ गजेन्द्रमोक्षणं देवमङ्गुष्ठे यदुनन्दन ॥ द्वारवत्यां तथा कृष्णं नरनारायणावृभौ ॥ ९ ॥ बदर्याश्रममासाद्य पूजयेत्तु विचक्षणः ॥ कुरुक्षेत्रेष्वपि धर्मज्ञ रामं भृगुकुलोद्वहम् ॥ १० ॥ अथ वा यादवश्रेष्ठ रथस्थं कुष्णफाल्गुनौ ॥ हंसप्रपतने हंसं मत्स्यं मत्स्येषु यादव ॥ ११ ॥ गयशिरोषि वराहं तु मूलस्थाने दिवाकरम् ॥ प्रभासे च तथा सोमं हिमवत्यलकाधिपम् ॥ १२ ॥ एरावत्यां भोगमयं सरय्वां राममेव च ॥ योगिभोगासनसीनं सरयूतटसंस्थितम् ॥ १३ ॥ सर्वमूर्त्तिधरं देवं सर्वत्राप्यथ चार्चयेत् ॥ सर्वत्र सर्व शक्तिर्हि सर्वस्या स निगद्यते ॥ १४ ॥ सर्वत्र देवः स तु सर्वशक्तिः सर्वेश्वरः सर्वशरीरसंस्थः ॥ पूज्यः सदा सर्वफलप्रदाता लोके सकामानिव याति राजन् ॥ १५ ॥ इति श्रीविष्णुधर्मोत्तरे तृ० खण्डे मार्कण्डेयवज्रसंवादे श्रीविष्णुदेशविशेषाविर्भावपूजावर्णनो नामैकविंशत्युत्तरशतत मोऽध्यायः ॥ १२१ ॥ वज्र उवाच ॥ केन रूपेण देवस्य किंकिं नाम प्रकीर्त्तयेत् ॥ एतन्मे संशयं छिन्धि भुभुवंशविवर्धन ॥ १ ॥