अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

भाष्यप्रकाश-रश्मि-परिवृंहितम् । ७१

भाष्यप्रकाशः ।

इत्यादिनामधेयं सृज्यते। उदकाऽऽहरणादिव्यवहारसिद्ध्यर्थं द्रव्यमेव संस्थानान्तरनामान्तर- भाग् भवति। अतो घटादपि मृत्तिकेत्येव सत्यं मृत्तिकाद्रव्यमित्येव सत्यं प्रमाणेनोपलभ्यते, न तु द्रव्यान्तरत्वेनेत्यर्थ इति। ये पुनः कार्यकारणयोरनन्यत्वं कार्यस्य मिथ्यात्वाभ्युपगमेन वर्ण- यन्ति तेषां कार्यकारणयोरनन्यत्वं न सिद्ध्यति। सत्यमिथ्यार्थयोरैक्यानुपपत्तेः। तथा सति ब्रह्मणो मिथ्यात्वं जगतः सत्यत्वमिति वैपरीत्यापत्तेश्चेत्याहुः। काणादमतदूषणं तु प्रागेवोक्तम्। मायावादिमतोपरि दूषणान्तराणि बहूनि वदन्ति तानि विस्तरभयान्नानूद्यन्ते।

तन्मतचौरस्तु विकारो नामधेयं च वाचाया अभिलापार्थव्यवहारस्य आरम्भणं निष्पाद- कं भवति। मृद्द्रव्यस्यैव घटाद्यवस्था घटादिनामधेयं चार्थक्रियाया अभिलापस्य च निष्पत्तये

रश्मिः ।

रश्मिः । प्राप्नोति' 'य इह नानेव पश्यति' इत्यादिभ्यः। द्रव्यमिति मृत्पिण्डादि। प्रमाणेनेति प्रत्यक्षेण। तथा सतीति। सत्यमिथ्यार्थयोरैक्ये सति। प्रागेवेति तदनन्यत्वसूत्रात्प्रागेव। तथाच भाष्यं। न तु दृष्टान्तभावादिति सूत्रस्थं। पुनरप्यसामञ्जस्यमेव तदनन्यत्वमारम्भणशब्दादिभ्यः असदिति चेन्न प्रतिषेधमात्रत्वादित्यादिषु कारणभूताद्ब्रह्मणः कार्यभूतस्य जगतोऽनन्यत्वमभ्युपगम्य ब्रह्मणो जगत्कारणत्वमुपपादितम्। इदानीं तदेवानन्यत्वमाक्षिप्य समाधीयते। तत्र काणादाः प्राहुः। न कारणात्कार्यस्यानन्यत्वं संभवति विलक्षणबुद्धिबोध्यत्वात्। न खलु तन्तुपटमृत्पिण्ड- घटादिषु कार्यकारणविषया बुद्धिरेकरूपेत्यादि पूर्वं भाष्यप्रकाशे काणादैर्हि भेदवादो जीवन- मित्यादिनोक्तं भाष्यम्। अन्यदप्युक्त्वा भाष्यं। अत्राहुः कारणादनन्यत्वं कार्यस्य न हि परमार्थतः कारणव्यतिरिक्तकार्यतद्व्यवहारयोः यथा कारणभूतात् मृद्द्रव्यादि घटादिषु विकारेषूपलभ्यमानाद् व्यतिरिक्तं घटशरावादि कार्यं व्यवहारमात्रालम्बनं मिथ्याकारणभूतं मृद्द्रव्यमेव सत्यं तथा निर्विशेष- सन्मात्रकारणभूताद्ब्रह्मणोऽन्योऽहंकारादिव्यवहारालम्बनः कृत्स्नः प्रपञ्चो मिथ्याकारणभूतं सन्मात्रं ब्रह्मैव सत्यम्। तस्मात्कारणव्यतिरिक्तं कार्यं नास्तीति कारणादनन्यत्कार्यम्। नच वाच्यं शुक्तिका- रजतादीनामिव घटादिकार्याणामसत्यत्वाप्रसिद्धेर्दृष्टान्तानुपपत्तिरिति। यतस्तत्रापि युक्त्या मृद्द्रव्यमेव सत्यतया व्यवस्थाप्यते तदतिरिक्तं तु बाध्यते इत्यादि तन्मतमनूद्य सिद्धकथनम्। तस्मादेकमेव नित्यमुक्तस्वप्रकाशस्वभावमविद्यावशाज्जगदाकारेण विवर्तत इति परमार्थतो ब्रह्मव्यतिरिक्ता- भावात्तदनन्यत्वं जगत इति भाष्येणोक्तम्। अग्रे तानि तु ये पुनरित्यादिनोक्तदूषणाभ्यामन्यानि अत्रोच्यते इत्यादिभाष्योक्तादिति। तथाहि। अत्रोच्यते। निर्विशेषप्रकाशमात्रं ब्रह्माऽनाद्यविद्या- तिरोहितस्वस्वरूपं स्वगतनानात्वं पश्यतीत्येतत्प्रकाशस्वरूपस्य निरंशस्य प्रकाशनिवृत्तिरूप- तिरोधाने स्वरूपनाशप्रसङ्गेन तिरोधानासंभवादित्यादिभ्यः सकलप्रमाणविरुद्धं स्ववचनविरुद्धं चेति पूर्वमेवोक्तमित्यादीनि। आतदनन्यत्वसूत्रं। तन्मतचौरैस्तु भगवांञ्छैवाचार्यः। वाचाया इत्यस्य व्याख्यानं अभिलापेत्यादि। अभिलापोऽयं घटोऽयं पट इत्यादि तदर्थं व्यवहारोहं देवदत्तः ममायं घटो ममायं पट इत्याद्या मतिः। व्यवहारः सन्निपात इत्यादि वाक्यम्। अनेन घटादिना जल- माहरेत्यादि अभिलापार्थो व्यवहारः। अर्थक्रिया जलाहरणादिः। अभिलापः अनेन पटेनेत्यादिः।

1139