अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

व्यक्त्यन्तरं वपुस्तदिदं, यद् 'प्याचार्यं मां विजानीया'त्तदपि वपुरात्मा चेदम् । अत्र श्रुतिसूत्रगीताः प्रभूत्सवे वक्तव्याः । एवं श्रीमदाचार्यध्यानमुक्त्वा मूलस्वरूपादेरग्रे निरूपणीयतया समानसूत्रोक्तावताररूप- गोविन्दभजनकर्त्रीध्यानमाहुः अहो इति । अहो भाग्यवती देवी यशोदा नन्दगेहिनी । गोविन्दमङ्कमारोप्य मुखं चुम्बति सादरम् ॥ २ ॥ 'स्त्रीद्वारा पुरुषे भवे'दिति सुबोधिन्यां भगवदाश्रयत्वेन स्त्रिया निरूपणम्, मुक्तिपरमानन्दाभ्यां भजनयोग्यता, 'शुद्धाश्च सुखिनश्चैव ब्रह्मविद्याविशारदा' इति सुबोधिनीकारिकातः । भाग्यवती मुक्तित्वात्, देवी मातृत्वेनाङ्गीकारात्, तद्भावनादिकर्त्री यशोदा । सुबोधिन्यां द्रष्टव्यमेतत् प्रयोजनम् । नन्दः परमानन्दः पुष्टौ निरुद्धत्वात् अतस्तत्स्नेहं निर्गुणम् । गोविन्दमिति एकादशसुबोधिन्यां 'मन्येऽ- कुतश्चि'दित्यादिकवि