बौधायन श्रौतसूत्रम् (कृष्ण यजुर्वेद तैत्तिरीय शाखा - सम्पूर्ण प्रश्न एवं श्रौत-याग कल्प सटीक)

[अश्वमेधः]

[ १५ । १० । ] बौधायनश्रौतसूत्रम् । २१५

सवित्र आश्विने पुरोडाशं द्वादशकपालं निर्वपति । सा प्रसिद्धेष्टिः संतिष्ठते । ऽथ पौर्णमासवैमृधाभ्यामिष्ट्वा प्रसिद्धं निवर्तयते । ऽथ श्वो भूते सावित्रीभिरेव प्रतिपद्यते । स एवमेव सावित्रीभिरहरहर्यजमानो ऽपराङ्श्चतुरो मास एति काममिष्ट्या कामं पशुबन्धेन कामᳪ श्यामाकाग्रयणेनाथ चतुर्षु मासेषु पर्यवेतेषु पौर्णमास्या उपवसथ आनीकवतं पशुमालभते । तस्य पशुपुरोडाशमनुवर्तत आनीकवतᳪ हविरानीकवतो वैवास्य पशुपुरोडाशो भवति । तमनुवर्तते प्रथमा सावित्री । प्रसिद्धः पशुः संतिष्ठते । ऽथ मध्यंदिने सांतपनं पशुमालभते । तस्य पशुपुरोडाशमनुवर्तते सांतपनᳪ हविः । सांतपनो वैवास्य पशुपुरोडाशो भवति । तमनुवर्तते मध्यमा सावित्री । प्रसिद्धः पशुः संतिष्ठते । ऽथापराह्ने सवित्र आश्विने पुरोडाशं द्वादशकपालं निर्वपति । सा प्रसिद्धेष्टिः संतिष्ठते । ऽथ सायं गृहमेधीयेन चरन्त्यथापररात्रे पूर्णदर्वेण १ चरन्त्यथ प्रातः क्रीडिनं पशुमालभते । तस्य पशुपुरोडाशमनु- वर्तते क्रीडिनᳪ हविः । क्रीडिनो वैवास्य पशुपुरोडाशो भवति । तमनुवर्तते प्रथमा सावित्री । प्रसिद्धः पशुः संतिष्ठते । ऽथ मध्यंदिने साकमेधात्पशूनालभन्ते २ ॥ १० ॥

---

पादटिप्पणी (Footnotes):

१ पूर्णदर्वेण all, but cp. vol. I, p. 142. 5; Āp. has also पूर्णदर्व्ये, but the Śat. Br. पूर्णदर्वे; the word occurs again xvii. 57 and in the Dvaidha; Bhav. in his comm. on the latter has •दर्ये । २ लभंते MU Be; लभते B.