बीजगणितम् (भास्कराचार्य द्वितीय - प्राचीन भारतीय समीकरण एवं बीजगणित सूत्र सटीक)

१२२ बीजगणिते अथ यदि ऋणरूपैरन्वितं नीलकसप्तकं नी ७ रू ४ परिकल्प्या- नीयते तदाऽन्योऽपि राशिः ३ स्यात्। उदाहरणम्। षड्भिरूनो घनः कस्य पञ्चमो विशुध्यति। तं वदाशु तथाऽलं चेदभ्यासो घनकुट्टके॥ २॥ अत्र राशिः या १। अस्य यथोक्तं कृत्वाऽद्यपक्षस्य घनमूलम् या १। परपक्षस्यास्य का ५ रू ६ हरभक्तो यस्य घनः शुध्यति सोऽपि त्रि- रूपपदगुणित इत्यादियुक्त्या नीलकपञ्चकस्य रूपषट्काधिकस्य घनेन साम्यं कृत्वा प्राग्वज्जातो राशिः सक्षेपः नी ५ रू ६। उत्थापने कृते जातो राशिः ६ वा ११। उदाहरणम्। यद्वर्गः पञ्चभिः क्षुण्णस्त्रियुक्तः षोडशोद्धृतः। शुद्धिमेति तमाचक्ष्व दक्षोऽसि गणिते यदि॥ ३॥ - अत्र राशिः या १