बार्हस्पत्य सूत्र / अर्थशास्त्र (महर्षि बृहस्पति - प्राचीन दण्डनीति, राजधर्म एवं कूटनीति सटीक)

[ द्वितीयोऽध्यायः । ] गुणवतो राज्यम् ॥१॥ विद्यागुणोऽर्थगुणाः सहायगुणाश्च ॥२॥ स्वकुलरञ्जनं च चारित्ररक्षणम् ॥३॥ कृषिगोरक्षवाणिज्यानि ॥४॥ सर्वथा लौकायतिकमेव शास्त्रमर्थसाधनकाले ॥५॥ कापालिकमेव कामसाधने ॥६॥ आर्हतं धर्मे ॥७॥ [६क] लौकायतिकमसेनार्थं क्षिप्रं नश्यति तत् ॥८॥ कापालिकार्हतबौद्धाश्च ॥९॥ एतेषु तिष्ठन् शलभबह्निवत् ॥१०॥ फलानि श्रोत्रसलिलकल्पानि ॥११॥ अविद्यायुक्तः पुरुषार्थं साधयितुं धर्मयुक्ते यदिच्छति तदा लौकायत्तिकाभिधानपाषण्डी ॥१२॥ यदा चण्डाल उदारसुरामांसादिकामेच्छुस्तदा कापालिका- भिधानपाषण्डी ॥१३॥

1. W सा० । 2. M Sic; W ०मसेनार्थः correct reading doubtful ( अपेतार्थं ? ) । 3. W कापालक० । 4. W बद. Read यदे ? 5. W ०आभिधन० ।