गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

द्वादशः पटलः । १२७ आनन्दकन्दमेवात्र संविन्नालं तथैव च ॥ १०३ ॥ प्रकृतिविकाररूपद्वात्रिंशत्पत्रकेसरम् । पञ्चाशद्वर्णबीजाढ्यकर्णिकापरिमण्डितम् ॥ १०४ ॥ कर्णिकायां स्मरेत् सूर्य तन्मध्ये सोममण्डलम् । [सोममण्डलमध्ये तु संस्मरेद्वह्निमण्डलम्] ॥ १०५ ॥ वह्निमण्डलमध्ये तु सत्त्वं च परिचिन्तयेत् । रजश्च तत्र संचिन्त्य तमोऽपि च तन्मध्यतः ॥ १०६ ॥ ज्ञानतत्त्वात्मनश्चैव मायातत्त्वात्मनस्तथा । विद्यातत्त्वात्मनो देवि कलातत्त्वात्मनो यजेत् ॥ १०७ ॥ ब्रह्मा विष्णुश्च रुद्रश्च ईश्वरश्च सदाशिवः । एते पञ्च महाप्रेताश्चतुर्दिक्ष्वध्यसंस्थिताः ॥ १०८ ॥ सदाशिवोपरिगतं त्रिशृङ्गज्योतिरव्ययम् । तस्य मध्ये महापद्मं पीयूषपरिपूरितम् ॥ १०६ ॥ सुधार्णवासने तत्र त्रिपुरां प्रकटेश्वरीम् । पोताम्बुजासने तद्वच्चिन्तयेत् त्रिपुरेश्वरीम् ॥ ११० ॥ चिन्तयेत् साधको भक्त्या गुप्तयोगिन्यधीश्र्वरीम् । आत्मासनगतां तत्र स्मरेत् त्रिपुरसुन्दरीम् ॥ १११ ॥ गुप्ततरेश्वरीं देवीं, चक्रासने विचिन्तयेत् । त्रिपुरवासिनीं देवीं संप्रदायगणेश्वरीम् ॥ ११२ ॥ सर्वमन्त्रासने देवि चिन्तयेत् त्रिपुराश्रियम् । कुलकौलेश्वरीं देवीं, साध्यासनगतां ततः ॥ ११३ ॥

---

१ 'राश्रि' ख पाठ ।