गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

१६६ गन्धर्वतन्त्रे । अष्टोत्तरशतं यस्तु देव्याः कुर्यात् प्रदक्षिणम् । स सर्वकामानासाद्य पश्चान्मोक्षमवाप्नुयात् ॥ ८४॥ त्रिकोणमथ षट्कोणमर्धचन्द्रं प्रदक्षिणम् । दण्डमष्टाङ्गमुग्रं च सप्तधा नतिलक्षणम् ॥ ८५॥ दक्षिणाद्वायवीं गत्वा दिशं तस्माच्च शांभवीम् । ततोऽपि दक्षिणां [द?ग]त्वा नमस्कारस्त्रिकोणवत्॥ ८६॥ त्रिकोणाख्यो नमस्कारस्त्रिपुराप्रीतिदायकः । दक्षिणाद्वायवीं गत्वा वायव्याः शांभवीं तथा ॥ ८७॥ ततोऽपि दक्षिणां गत्वा तां त्यक्त्वाग्नौ प्रविश्य च । अग्नितो राक्षसीं गत्वा कौबेरीं च ततो विशेत् ॥८८॥ आग्नेयीं च ततो गत्वा नमस्कारः प्रकीर्तितः । षट्कोणाख्यो नमस्कारो दुर्गायाः प्रीतिदायकः ॥८६॥ दक्षिणाद्वायवीं गत्वा तस्माद्भावृत्य दक्षिणम् । गत्वा योऽसौ नमस्कारः सोऽर्धचन्द्रो मम प्रियः ॥६०॥ नमस्कारेषु जानीयादासां प्राकृतमाद्रिजे । त्यक्त्वा स्वमासनस्थानं पश्चाद्गत्वा नमस्कृतः ॥६१॥ निपत्य दण्डवद् भूमौ निपत्य हृदयेन च । तथैव दण्डवद् भूमौ दण्ड इत्युच्यते बुधैः ॥६२॥ चिबुकेन मुखेनाथ नासया हनुकेन च । चक्षुषा वाथ कर्णाभ्यां ब्रह्मरन्ध्रेण चैव हि ॥६३॥ तदष्टाङ्गमिति प्रोक्तं यद्भूमिं स्पृशते क्रमात् ।

---

१ 'ममा' ख पाठ ।