गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

द्वांविंशः पटलः । २११ अदत्तं नोपतिष्ठेत दद्यात् तस्मादतः परम् । गोभूहिरण्यरत्नादि भक्ष्यभोज्यानि यानि च ॥ ३१ ॥ वासिनीभ्यो द्विजेभ्यश्च दीनान्धकृपणाय च । त्यक्त्वा चावश्यकं कर्म लौकिकं भावतत्परः ॥ ३२ ॥ योगक्षेमे हितं यत्तु कुर्यात् तदनुशासनात् । समर्थो जीवयेत् स्नेहात् स्वकीयाननुजीविनः ॥ ३३ ॥ दुष्टेभ्यो दुष्टचित्तेभ्यो हिंस्रे साहसिकात् तथा । बलिभ्यो धनमत्तेभ्यः कायस्थेभ्यो विशेषतः ॥ ३४ ॥ रक्षयेत् पालयेत् साधुः पुत्रानिव (नि?पि)तौरसान् । लोकांश्च त्रिविधान्मत्वा लालयेत् पालयेत् सदा ॥ ३५॥ वध्यान् वध्यात्तथा दण्ड्यान् दण्डयेच्छास्त्रदर्शनात् । अवध्यस्य वधे यावांस्तथादण्ड्यस्यै दण्डने ॥ ३६ ॥ दण्ड्यस्यादण्डने पापस्तावान् वध्यस्य रक्षणे । इति विज्ञाय योगात्मा योगक्षेमं समाचरेत् ॥ ३७ ॥ विभूतीरात्मनः पश्येत् तत्प्राप्त्या तन्निवेदयेत् । विभूतीरात्मनो यस्तु महादेव्यै प्रदर्शयेत् ॥ ३८ ॥ ताभिरेव युतो भूयादणिमादिविभूतिभिः । मुहूर्त्तत्रयमात्रं तु कुर्यात् तनुविचिन्त(येत?नम् ) ॥ ३६॥ चिन्तयेत् परं ब्रह्म मध्याह्ने समुपगते । मुहूर्त्तत्रयमात्रं तु निद्रया समुपासयेत् ॥ ४० ॥ ततो बुद्धौ यथाकाले तामेव समुपासयेत् । १ 'र्थे' ख पाठ. । २ 'हिंस्रेभ्य' क पाठ । ३ 'दण्डस्तस्य तु' क. पाठ । ४ 'द्वया' क पाठ ।