गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

एकोनत्रिंशः पटलः । —=::❀::=— ईश्वर उवाच पूर्वोक्तविधिना देवि लक्षार्धं प्रजपेत् तथा । रात्रौ ताम्बूलपूर्णास्यस्तथैवोक्तविधानतः ॥ १ ॥ कामरूपं वपुः कृत्वा कामिन्येवै महानिशि । कुलयुक्तो जपेल्लक्षं निशाया मध्यभागतः ॥ २ ॥ अत्र यत् क्रियते कर्म तदनन्तफलप्रदम् । मूलाधारे महादेवि लिङ्गं स्वयंभूवाचकम् ॥ ३ ॥ ज्योतीरूपं तु योनिस्यं तत्रैव मनसा जपेत् । ध्यायेत् कुण्डलिनीं देवि तद्विद्यान्तररूपिणीम् ॥ ४ ॥ हृदि त्रिकोणमध्ये च बाणलिङ्गे च तेजसि । तत्र संचिन्त्य मनसा जपेल्लक्षं समाहितः ॥ ५ ॥ मूर्ध्नि त्रिकोणमध्ये तु इतरं पश्चिमामुखम् । तत्र स्थित्वा जपेल्लक्षं यत्र कुत्र समाहितः ॥ ६ ॥ एवं लक्षत्रये सिद्धे यद्भावस्तूपजायते । तमुपाश्रित्य भावेन यथा देवस्तथा (रवे?भवेत्) ॥७॥ नवलक्षं जपेद्विद्यामिह भोगसमृद्धये । न ध्यानं नच विन्यासो न पूजा न पुरस्क्रिया ॥८॥

---

१ 'रास्य.' ख. पाठ. । २ 'नी' ख. पाठ. ।