गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

२७८ गन्धर्व्वतन्त्रे । प्राणो 'बिन्दुरिति प्रोक्तः साहचर्याद्वरानने । सपूर्व्वमुदितं मन्त्रं शंभुशक्त्यैक्यवाचकम् ॥ ६ ॥ जीवशक्त्यैक्यसिद्धयर्थं गदितं सुरपूजिते । अस्मिन्मन्त्रे वरारोहे कालकर्म्मान्तवर्त्मना ॥ १० ॥ वर्तते यस्तु युक्तात्मा असाध्यमपि साधयेत् । त्वं च जीवैक्यसिद्धयर्थमुदितं मन्त्रनायकम् ॥ ११ ॥ तथ्यं मद्वाक्यतो(देवि?विद्धि) फलाफलस्पृहां त्यज । अस्मिन्मन्त्रे महाभागे समे जप्ते वदाम्यहम् ॥ १२ ॥ सर्वे मन्त्राः प्रसिध्यन्ति जीवन्ति च पुनन्ति च । प्राणन्ति च महाभागे सत्यं सत्यं वदाम्यहम् ॥ १३ ॥ सोऽहंभावेन भावेन भावनं भावनं मतम् । सोऽहंभावेन भावं तु उक्तलक्षणल(क्ष्यते?ञ्चितम्) ॥१४॥ कृत्वाहंभावमुत्सृज्य सोऽहंभावे स्थिरीभवेत् । शंभुभावे स्थिरीभूते बिन्दुं शंभौ विभावयेत् ॥ १५ ॥ सञ्चित्सुखमयंः शंभुस्त्रिरूपः सर्वकर्मणि । सर्वदा भा(ष?व्य)ते यस्मात्तन्मयं त्वखिलं ततः ॥१६॥ सत्संनिधिसमज्ञेषु शंभुश्चैव प्रकाशते । कामः कामर्यते भेदमिति तद्रूपतां मतिः ॥ १७ ॥ १ ‘यतो भेदमिति तद्रूपतामति’ क्र पाठ ।