गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

( ४ ) १६ निष्ठिते सायमासप्रातराशे भूतमिति प्रवाचयेत् ॥ १७ श्रुतेऽभगया वाचा शुचिर्भूत्वा ॥ १८ प्रतिजपत्योमित्युक्तैस्तस्मै नमस्तन्माहा इत्युपांशु ॥ इति प्र० प्र० तृतीया कण्डिका ॥ १ ॥ ३ ॥ ☸ ॥ अथ चतुर्थी कण्डिका— १ अथ वाग्यतोबलीन्हरेत् ॥ २ भाषेतार्न्नसंसिद्धिमतिथिभिः कामं सम्भाषेत ॥ ३ अथ हविष्यस्यान्नस्योद्धृत्य हविष्यैर्व्यञ्जनैरुपसिच्याग्नौ जुहुयात् तू- ष्णींपाणिनच ॥ ४ प्राजापत्या पूर्वाऽऽहुतिर्भवति सौविष्टकृत्युत्तरा ॥ ५ अथ बलीन्हरेत् बाह्यतोवाऽन्तर्वा सुभूमिं कृत्वा ॥ ६ सकृदपोनिनयि चतूर्धा बलिं निदध्यात् सकृदन्ततः परिषिञ्चेत् ॥ ७ एकैकं वाऽनुनिधानमुभयतः परिषिञ्चेत् ॥ ८ स यत्प्रथमं निदधाति स पार्थिवोबलिर्भवति । अथ यद्द्वितीयं स वायव्यो यत्तृतीयं स वैश्वदेवो यच्चतुर्थं स प्राजापत्यः ॥ ९ अथापरान्बलीन्हरेत् । उद्घानस्य, मध्यमस्य द्वारस्याब्दैवतः प्रथमो- बलिर्भवत्योषधिवनस्पतिभ्यो द्वितीय, आकाशाय तृतीयः ॥ १० अथापरं बलिं हरेत्-शयनं वाऽधिवर्चों वा स कामाय वा बलिर्भवति मन्यवे वा ॥ ११ अथ संस्तूपं स रक्षोजनेभ्यः । १२ अथैतद्बलिशेषमद्भिरभ्यासिच्यापसलवि दक्षिणा निनयेत्तत् पितृभ्यो भवति ॥ १३ आसीन एवाग्नौ जुहुयात् ॥ १४ आसीनः पितृभ्यो दद्यात् यथोपपादमितरान् ॥ १५ स्वयन्त्वेवैतान्यावद्वसेद्बलीन्हरेत् ॥ १६ अपि वाऽन्योब्राह्मणः ॥ १७ दम्पती एव ॥ १८ इति गृहमेधिव्रतम् ॥ १९ स्त्री ह सायं प्रातः पुमानिति ॥ २० सर्वस्वत्वेवाऽन्नस्यैताम्बलीन्हरेत्-पित्र्यस्य वा स्वस्त्य