गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

( ३ ) २६ गले बद्धः ॥ २७ चरणौ न प्रसार्य्य च ॥ २८ अन्ततः प्रत्युपस्पृश्य शुचिर्भवति ॥ २९ हृदयस्पृशस्त्वेवाप आचामेत् ॥ ३० उच्छिष्टोहैवातोऽन्यथा भवति ॥ ३१ अथ प्रत्युपस्पर्शनानि ॥ ३२ सुप्त्वा-भुक्त्वा-क्षुत्वा-स्नात्वा-पीत्वा-विपरिधाय च-रथ्यामाक्रम्य श्मशानञ्चाचान्तः पुनराचामेत् ॥ इति प्रथम प्रपाठकस्य द्वितीया कण्डिका ॥ १ ॥ २ ॥ ॐ ॥ अथ तृतीया कण्डिका— १ अग्निमुपसमाधाय परिसमूह्य दक्षिणजान्वक्तो दक्षिणेनाग्निमदितेऽ- नुमन्यस्वेत्युदकाञ्जलिं प्रसिञ्चेत् ॥ २ अनुमतेऽनुमन्यस्वेति पश्चात् ॥ ३ सरस्वत्यनुमन्यस्वेत्युत्तरतः ॥ ४ देवसवितः प्रसुवेति प्रदक्षिणमग्निं पर्युक्षेत् सकृद्वा त्रिर्वा ॥ ५ पर्युक्षणान्तानव्यतिहरन्नभिपर्युक्षन्होमीयम् ॥ ६ अथ हविष्यस्यान्नस्याग्नौ जुहुयात् कृतस्य वाऽकृतस्य वा ॥ ७ अकृतञ्चेत्प्रक्षाल्य जुहुयात् प्रोदकङ्कृत्वा ॥ ८ अथ यदि दधि-पयो-यवागूंवा, कंसेन वा चरुस्थाल्या वा ॥ ९ अग्नये स्वाहेति पूर्वां, तूष्णीमेवोत्तरां मध्ये चैवापराजितायां दिशी- ति सायम् ॥ १० अथ प्रातः-सूर्याय स्वाहेति पूर्वां, तूष्णीमेवोत्तरां मध्ये चैवापराजि- तायान्दिशि ॥ ११ समिधमाधायानुपर्युक्ष्य तथैवोदकाञ्जलीन्प्रसिञ्चेदन्वमंस्था इति मन्त्रविशेषः ॥ १२ प्रदक्षिणमग्निं परिक्रम्यापां शेषं निनीय पूरयित्वा चमसं प्रतिष्ठाप्य यथार्थम् ॥ १३ एवमत ऊर्ध्वङ्गृह्योऽग्नौ जुहुयाद्वा हावयेद्वाऽऽजीवितावभृथात् ॥ १४ अथाप्युदाहरन्ति ॥ १५ कामं गृह्योऽग्नौ पत्नी जुहुयात्सायं प्रातर्होमौ गृहाः पत्नी गृह्य एषोऽ- ग्निर्भवतीति ॥