हम्मीर रासो (कवि जोधराज - रणथम्भौर हम्मीर देव का शरणागत धर्म एवं शौर्य इतिहास)

५६ हम्मीररासो राव शेख क्यों रखै, रहत हजरत घर माहीं ॥ फिर न कहो यह वचन, बृथा¹ कबहूँ² अनजानै । दूत साह के बचन, सुने सत्कार सुमानै ॥ महरम्म खाँन इम उच्चरै, खबरदार नहिं बेखबरि । कहिये जु बात निज द्रगन लखि, असी बात नहिं कहो फिरि ॥३१८॥ दोहरा छंद महरम खाँ उजीर सों, कहैं बैन पतिसाहि । इक फरमाँन हमीर कौं, लिखि भेजहु अब ताहि ॥३१६॥ छप्पय छंद लिखि हजरति फरमाँन उलटि एलची पठाए । हठ मति करो हमीर चौर मति रखो पराए ॥ हम दिल्लो के ईस राव तुमहूँ जु कहावो । बढ़े अलसि जिय माहिं³ बैर मैं कहा जु पावो ॥ माल मुलक चाहो जितौ, कहै साहि बहु लिज्जिये⁴ । फरमाँन वाँचि⁵ जिय राव तुम, चोर हमारौ दिज्जिये⁶ ॥३२०॥ दोहरा छंद वाँचि³ राव फुरमाँन तब, दियउ सेस तब अंग । वचन दिये मैं सेख कौं, करों शाह सों जंग ॥३२१॥ दियउ⁷ उलटि फरमाँन तब, राव साहि कौ ज्वाब । रख्यौ महिमा साहि मैं, तजूँ न तिहिं मैं अब ॥३२२॥ यह फरमाँन जु बाँचि³ कै, करिव साह तब क्रोध । खिज्यौ देखि पतिसाह कौ, कियौ उजीर सुवोध ॥३२३॥ छप्पय छंद कित्तौ गढ़ रणथंभ राव जिस पहँ गर्बाए । दसूँ देस बसि किये जीति करि पाँव लगाए ॥ १ व्यर्थ । २ कबहूँन । ३ माँझ । ४ लीजिए । ५ वंचि । ६ दीजिए । ७ दियौ ।