हर्षचरितम् (महाकवि बाणभट्ट - संस्कृत मूल एवं हिन्दी व्याख्या)

परिशिष्टम् ८. हृदि लग्नेन बाणेन यन्मन्दोऽपि पदक्रमः । भवेत् कविकुरङ्गाणां चापलं तत्र कारणम् ॥ ६. सुबन्धुर्बाणभट्टश्च कविराज इति त्रयः । वक्रोक्तिमार्गनिपुणाश्चतुर्थो विद्यते न वा ॥ १०. सचित्रवर्णविच्छित्तिहारिणोरवनीपतिः । श्रीहर्ष इव संघट्टं चक्रे बाणमयूरयोः ॥ ( नवसाहसाङ्के ) ११. प्रतिकविभेदनबाणः कवितातरुगहनविहरणमयूरः । सहृदयलोकसुबन्धुर्जयति श्रीभट्टबाणकविराजः ॥ ( वीरनारायणचरिते ) १२. युक्तं कादम्बरीं श्रुत्वा कवयो मौनमाश्रिताः । बाणध्वनावन्ध्यायो भवतीति स्मृतियतः ॥ १३. रुचिरस्वरवर्णपदा रसभाववती जगन्मनो हरति । तत्किं तरुणी, नहि नहि, वाणी बाणस्य मधुरशीलस्य ॥ १४. सहर्षचरिता शश्वत्कृतकादम्बरीकथा । बाणस्य वाण्यनार्यैव स्वच्छन्दं भ्रमति क्षितौ ॥ १५. बाणं सत्कविगीर्वाणमनुबध्नाति कः कविः । सिन्धुमन्धुः किमन्वेति द्युमणिकतमो मणिः ॥ ( रघुनाथचरिते ) १६. शब्दार्थयोः समो गुम्फः पाञ्चाली रीतिरिष्यते । शिलाभट्टारिकावाचि बाणोक्तिषु च सा यदि ॥ १७. केवलोऽपि स्फुरन् बाणः करोति विमदान् कवीन् । किं पुनः क्लृप्तसन्धानपुलिन्ध्रकृतसन्निधिः ॥ ( धनपालस्य ) १८. दण्डीत्युपस्थिते सद्यः कवीनां कम्पतां मनः । प्रविष्टे त्वन्तरं बाणे कण्ठे वागेव रुध्यते ॥