हित चौरासी (गोस्वामी हित हरिवंश - राधासुधानिधि एवं ललितचरण गोस्वामी सविस्तार सटीक)

अकामदं दुःख भयाधि शोक, मोह प्रदं तुच्छमहं भजेऽज्ञा।। अहो मयाऽऽत्मा परितापितो वृथा साङ्केत्य वृत्याति विगर्ह्य वार्त्तया। स्त्रैणन्नराद्यार्थ तृषोऽनुशोच्या- -त्क्रीतेन वित्तं रतिमात्मनेच्छती।। यदास्थिभिर्निर्मित वंश वंश्य स्थूणं त्वचा रोम नखैः पिनद्धम्। क्षरन्नवद्वारमगार मेत- द्विण्मूत्र पूर्णं मदुपैति कान्या।। विदेहानां पुरे ह्यास्मिन्नहमेकैव मूढ़ धीः। यान्यमिच्छन्त्यस्मादात्मदात्काममच्युतात्।। सुहृत्प्रेष्ठ तमो नाथ आत्माचायं शरीरिणाम्। तं विक्रीयात्मनैवाहं रमेऽनेन यथा रमा।। कियत्प्रियं ते व्यभजन्कामा ये कामदा नराः। आद्यन्तवन्तो भार्याया देवा वा काल विद्रुताः।। नूनं मे भगवान्प्रीतो विष्णुः केनापि कर्मणा। निर्वेदोऽयं दुराशाया यन्मे जातः सुखावहः।। मैवं स्युर्मन्द भाग्यायाः क्लेशा निर्वेद हेतवः। येनानुबन्धं निर्हृत्य पुरुषः शममृच्छति।। तेनोपकृतमादाय शिरसा ग्राम्य सङ्गताः। त्यक्त्वा दुराशाः शरणं व्रजामि तमधीश्वरम्।। सन्तुष्टा श्रद्धधत्येतद्यथा लाभेन जीवती। विहराम्यमुनैवाहमात्मना रमणेन वै।। संसार कूपे पतितं विषयै र्मुषिते क्षणम्। ग्रस्तं कालाहिनात्मानं कोऽन्यस्त्रातुमधीश्वरः।। आत्मैव ह्यात्मनो गोप्ता निर्विद्येत यदाखिलात्। अप्रमत्त इदं पश्येद् ग्रस्तं कालाहिना जगत्।। श्रीमद्भागवत स्क०११अ०८ श्लोक ३० से ४२ तक